Taryfy na elektraenierhiju paśla zapusku Biełaruskaj AES buduć zaležać u tym liku ad damoŭlenaści pa canie na haz, rostu taryfaŭ dla realnaha siektara nie čakajecca. Pra heta paviedamiŭ žurnalistam namieśnik ministra enierhietyki Biełarusi Michaił Michadziuk siońnia na forumie «Atamekspa» u Sočy, paviedmlaje BiełTA.
«Stvorana śpiecyjalnaja rabočaja hrupa, jakaja adpracoŭvaje roznyja scenary taryfnaj palityki. My ŭžo mocna prasunulisia pa taryfnaj palitycy z metaj pavyšeńnia pryvabnaści elektraenierhii jak u žyllova-kamunalnaj haspadarcy, pobycie, tak i pa inšych napramkach. Taryfnaje mieniu vielmi mocna pašyryłasia ŭ hetym hodzie, i my dalej pracujem «, - skazaŭ Michaił Michadziuk.
Na taryfy buduć upłyvać u tym liku damoŭlenaści pa canie na haz. «Atamnaja enierhija budzie zamiaščać tolki da 5 młrd kub.m hazu. Zastajecca jašče vialiki abjom elektraenierhii na hazie, a pradavacca budzie miks: atamnaja i hazavaja elektraenierhija, tak što mnohaje zaležyć ad taho, jak składucca ceny na haz», - rastłumačyŭ namieśnik ministra.
Śpiecyjalnaja hrupa pa taryfach budzie pracavać pastajanna, taryfnaja palityka kožny hod pierahladajecca zychodziačy ź isnujučych abstavin. Što tyčycca mahčymaha rostu koštaŭ na elektraenierhiju dla realnaha siektara, to Michaił Michadziuk adznačyŭ, što takich prahnozaŭ niama.
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary