Prysłuchalisia da naroda: na ŭzhorku Biernardynskaha kaścioła ŭ Hrodnie nie budzie nadpisu «Leninski rajon»
Ranicaj 17 krasavika stała viadoma, što na pahorku Biernardynskaha kaścioła nie budzie nadpisu «Leninski rajon». Pra heta Hrodna.life raspaviali ŭ «Zielanbudzie».
Viadoma, što dla ŭmacavańnia schiłu, na jakim staić kaścioł, źjaviacca tolki chmyźniaki kazackaha jadłoŭca. Ich pačnuć vysadžvać u bližejšy čas.
17 krasavika situacyju z nadpisam prakamientavała i hrodzienskaja rymska-katalickaja dyjacezija.
— Terytoryja Pabiernardynskaha ŭzhorka nie naležyć Ryma-katalickamu Kaściołu, tamu my nie majem nijakaha ŭpłyvu na skłaŭšujusia situacyju i nie možam adkazvać za łandšaftny dyzajn, jakim zajmajecca «Zielanbud». Z kiraŭnictvam Hrodzienskaj dyjacezii rašeńnie ab stvareńni žyvoha nadpisu «Leninski rajon» na schile ŭzhorka nie ŭzhadniałasia. Miarkujem, što dadzienaja inicyjatyva psuje źniešni vyhlad histaryčnaha centra horada. Nadpis taksama budzie adciahvać uvahu nie tolki miascovych žycharoŭ, ale i šmatlikich turystaŭ ad znakavaha miesca, jakim źjaŭlajecca najstarejšaja śviatynia horada — kaścioł Adšukańnia Śviatoha Kryža.
U čym naohuł sprava?
Supracoŭniki «Zielanbuda» z 15 krasavika na ŭzhorku Biernardynskaha kaścioła pačali stvarać vialiki nadpis «Leninski rajon»: litary mieli vysadzić z chmyźniakoŭ. Padobny nadpis «Kastryčnicki rajon» mieŭ źjavicca na adchonie pa vulicy Darvina na druhim bierazie Niomana.
Pietycyju za admienu rašeńnia ab stvareńni žyvych nadpisaŭ «Leninski rajon» i «Kastryčnicki rajon» stvaryli hrodziency 16 krasavika. Aŭtary źbirajuć podpisy kab pieradać pietycyju ŭ harvykankam. Mienš čym za sutki pietycyju padpisali bolš za 800 čałaviek.
Ciapier čytajuć
Siarhiej Cichanoŭski pierabraŭsia žyć u Łos-Andželes66
Kamientary