Kandydat u prezidenty Ukrainy Uładzimir Zialenski padziakavaŭ siamji i paabiacaŭ usim, što nikoli nie padviadzie. Pra heta jon skazaŭ padčas bryfinhu paśla apublikavańnia vynikaŭ ekzit-połu na «1+1», jakija pakazvajuć na jaho pieramohu ŭ vybarach, paviedamlaje UNIAN.
«My zrabili heta razam», — skazaŭ jon i padziakavaŭ svaim baćkam, žoncy i baćkam žonki. Dziakujučy žoncy, jon pažartavaŭ: «Kali b jana raniej pačuła pra mianie ŭsio, što kazali, mabyć, jana nie vyjšła b za mianie».
Taksama Zialenski padziakavaŭ, u pryvatnaści, svajoj kamandzie, štabu, ekśpiertam, naziralnikam i «Kvartału-95».
Akramia taho, jon padziakavaŭ pravaachoŭnikam za «sumlennuju słužbu» i SBU — za toje, što jany jaho «trymali ŭ tonusie».
«Dziakuj usim našym vajennym i vałancioram za toje, što vy zachoŭvajecie Ukrainu», — skazaŭ Zialenski i padziakavaŭ taksama ŭsim ukraincam, jakija jaho padtrymali i ŭsim ukraincam, jakija «zrabili inšy vybar». «Ja abiacaju, što nikoli nie padviadu vas usich», — padkreśliŭ Zialenski.
Jak śviedčać dadzienyja Nacyjanalnaha ekzit-połu, pa stanie na 18.00 za Uładzimira Zialenskaha prahałasavali 73,2%, za dziejnaha kiraŭnika dziaržavy Piatra Parašenku — 25,3% vybarščykaŭ.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali10
Kamientary