Minski taksist atrymaŭ vielizarny štraf za malitvu kala Kafiedralnaha sabora
Taksista Leanida Kułakova asudzili za ŭdzieł u malitvie kala Kafiedralnaha sabora 7 krasavika biez dazvołu Minskaha harvykankama. Na tym maleńni jon trymaŭ bieł-čyrvona-bieły ściah.
Na Kułakova skłali administratyŭny pratakoł za ŭdzieł u niesankcyjanavanaj akcyi. Sudździa Valeryj Jeśman aštrafavaŭ hetaha žychara Minska na 45 bazavych vieličyniaŭ (1147,5 rubla).
«U pratakole było napisana, što mitynhavaŭ u niesankcyjanavanym miescy, a na sudzie amapaviec skazaŭ, što ja ničoha nie rabiŭ, prosta stajaŭ maliŭsia. Dyk što, ciapier vierniki nie mohuć malicca kala kaściołu? Moža, vyklikać śviataroŭ i zapytać, dzie možna malicca, a dzie nielha? Budu abskardžvać prysud», — raspavioŭ belsat.eu Leanid Kułakoŭ.
Taki ž pratakoł atrymaŭ aktyvist «Jeŭrapiejskaj Biełarusi» Jaŭhien Afnahiel.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary