Skandał u rasijskim šou-biznesie: na «Hołas. Dzieci» pieramožcaj stała dačka Ałsu — konkurs nazvali prapłočanym
Paśla padviadzieńnia vynikaŭ rasijskaha muzyčnaha prajekta «Hołas. Dzieci», vybuchnuŭ skandał.
Pa vynikach hałasavańnia hledačoŭ pieramožcaj finału šostaha siezona muzyčnaha prajekta «Hołas. Dzieci», jaki prajšoŭ 26 krasavika, stała Mikieła Abramava z kamandy Śviatłany Łabady.
Dziesiacihadovaja Mikieła — dačka rasijskaj śpiavački Ałsu i pradprymalnika Jana Abramava.
Karystalniki sietki nazvali vyniki konkursu prapłočanymi, a numary Mikieły — haniebnymi. U finale zaŭvažyli prykmiety «anamalnaha hałasavańnia» na karyść Mikieły Abramavaj.
Telehledačy pakinuli kamientary pad videazapisami, apublikavanymi na YouTube.
«Škada inšych dziaciej. Ich adkryta źlili. Pieramahli hrošy ŭ čarhovy raz», — napisaŭ adzin z karystalnikaŭ. «Hańba!!!!! Nikoli jašče ŭ dziciačym «Hołasie» tak nie rulili hrošy», — pahadziŭsia druhi.
«Kolki hrošaj advalili baćki za supierfinał? Hańba!», — adznačaje treciaja. «Prosta chočacca łajacca matam!!!! Para čystych not, nizy nijakija. Jak možna ŭ talenavitych dziaciej kraści pieramohu????» — aburajecca jašče adzin kamientatar.
Inšyja krytykujuć rašeńnie Ałsu adpravić dačku na konkurs.
«Siońnia siamja Ałsu kupiła pachavańnie prajekta «Hołas. Dzieci». Nu tudy i daroha pradažnamu konkursu», — kanstatuje inšaja.
Finał i supierfinał šostaha «Hołas. Dzieci» adbyŭsia 26 krasavika. Abramava vykanała dźvie pieśni. Za pieršy numar prahałasavali 61,8% telehledačoŭ, za druhi — 56,5%. Pry hetym za dźvie hadziny videaroliki ź finalnymi pieśniami «pieramožcy» sabrali 4,6 tysiačy dyzłajkaŭ i tolki 862 łajki.
Paźniej rasijski Pieršy kanał paviedamiŭ, što vyniki pierapravierajucca.
Televiadučy Maksim Hałkin pryznaŭsia ŭ siabie ŭ instahramie, što budzie imknucca zrabić usio, kab jaho dzieci nie ŭdzielničali ni ŭ jakich konkursach, bo «heta nievynosna baluča, asabliva kali niespraviadliva». U svaju čarhu, akcior Stanisłaŭ Sadalski nazvaŭ vyniki konkursu «nieviasiołaj realnaściu».
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary