Top-5 faktaŭ pra minorny čempijanat śvietu pa chakiei, u jakim upieršyniu z 2003 hoda siońnia startuje Biełaruś
U paniadziełak pačynajecca čempijanat śvietu pa chakiei ŭ pieršym dyvizijonie (hrupa A). Zbornaja Biełarusi hulała ŭ im apošni raz u 2003 hodzie, paśla čaho vyjšła ŭ elitu i 15 hadoŭ hulała ŭ joj.
1. Pieršy čempijanat śvietu ŭ pieršym dyvizijonie prajšoŭ u 1951 hodzie. Tady jon nazyvaŭsia dyvizijon V, toj turnir vyjhrała Italija. Biełaruś, jakaja startavała ź nizoŭ, prabiłasia ŭ turnir u 1995 hodzie, praviała ŭ im dva siezony, zavajavaŭšy pucioŭku ŭ elitu praz dva hady.
Z 2001 hoda turnir nazyvajecca Pieršy dyvizijon, i da 2011 hoda ŭ im 12 kamandaŭ byli padzielenyja na dźvie hrupy, pieramožca kožnaj atrymlivaŭ pavyšeńnie ŭ elitu.
U 2012 hodzie turnir staŭ šmatuzroŭnievym i padzialajecca na hrupy A i V. Dźvie najlepšyja kamandy hrupy B (tam u Talinie hulajuć zbornyja Estonii, Ukrainy, Polščy, Niderłandaŭ, Rumynii i Japonii) vyjduć u hrupu A, adna horšaja apuścicca ŭ Druhi dyvizijon, tam turniry projduć u Białhradzie i, uvaha, u Mieksicy!
2. Biełarusy hulajuć u hrupie A: našymi supiernikami buduć Kazachstan, jaki ŭznačalvaje biełarus Andrej Skabiełka, Słavienija, Vienhryja, Litva, Paŭdniovaja Kareja.
Biełarusy startujuć matčam suprać Litvy ŭ paniadziełak (pačatak u 13.00). Za Litvu hulaje zorka 1990-ch 40-hadovy Dajnius Zubrus. Jon, darečy, prezident Litoŭskaj chakiejnaj fiederacyi. A voś 46-hadovy Darus Kasparajcis apynuŭsia pa-za składam zbornaj z «Pahoniami» na švedrach.
Litoŭcy akurat prabilisia ŭ hrupu A z hrupy V.
U aŭtorak — matč suprać Vienhryi (16.30), jakoj biełarusy prajhrali ŭ elicie try hady tamu. U čaćvier, 2 maja, matč suprać Słavienii (13.00), 4 maja — hulnia z Kazachstanam (14.30), 5 maja, u apošni dzień turniru, matč suprać Paŭdniovaj Karei (13.00).
Matčy buduć pakazanyja ŭ žyvym efiry na «Biełaruś-5», a taksama ŭ zapisie viečaram. Dastupnyja jany buduć i ŭ internecie.
3. Sistema turniru prostaja: pavyšeńnie ŭ elitu atrymaje dźvie kamandy, apuściacca ranham nižej taksama dźvie kamandy.
Zbornuju Kazachstana tut nazyvajuć favarytam turniru: kamanda začakałasia elity, da taho ž na jaje budzie cisnuć faktar damašniaj areny i aŭtarytet Nursułtana Nazarbajeva:).
Vidać, za druhuju pucioŭku paspračajucca biełarusy i słaviency, u składzie jakich dvuchrazovy pieramožca Kubka Stenli ŭ składzie «Łos-Andžełasa Kinhz» Anže Kopitar. Nu i hałoŭnaje nie atrymać, čarhovy ščaŭčok pa nosie ad Vienhryi 2:5. «Naša Niva» nazvała toj artykuł «Ščaŭčok pa nosie».
Pierad biełarusami meta adna: viarnucca ŭ elitu. Ale navat kali biełarusy nie vyjduć u hetym siezonie, to ŭ nastupnym hodzie prabjucca tudy aŭtamatyčna. U 2021 hodzie čempijanat śvietu pa chakiei projdzie ŭ Minsku i Ryzie, a ŭdzieł zbornych Biełarusi i Łatvii ŭ im abaviazkovy.
Tak što ničoha strašnaha ŭ vypadku asiečki nie adbudziecca, hałoŭnaje, nie traplacca na vočy adnamu z najlepšych hulcoŭ Kaladnaha turniru: )
4. Šmat narakańniaŭ vyklikaŭ talisman turniru — Barys. Moža prosta u dadzienym vypadku tut kiepskaje fota.
5. Hałoŭny trenier zbornaj Andrej Sidarenka ŭ niadzielu nazvaŭ kančatkovy skład družyny.
Siarod hulcoŭ — Nik Bejlen i Džef Płat, na jakoha paviesili ŭsich sabak za hučnuju parazu ad Aŭstryi hod tamu ŭ elicie. Lubimčyk publiki ŭ składzie «Dynama», zaraz jon vystupaje ŭ Finlandyi. Džef zabyŭ usie kryŭdy i jedzie dapamahčy kamandzie.
Hałkipiery: Alaksandr Asipkoŭ («Junactva»), («Nioman»), Dźmitryj Milčakoŭ («Płzień», Čechija);
Abaroncy: Illa Sałaŭjoŭ (Biełaruś U20), Daniił Bokun («Šachcior»/»Dynama» Minsk), Mikita Uścinienka («Šachcior»), Aleh Javienka, Jaŭhien Lisaviec, Kryścijan Chienkiel (usie — «Dynama» Mn), Nik Bejlen («Traktar»).
Forvardy: Arciom Kisły, Alaksandr Malaŭka, Siarhiej Malaŭka (usie — «Nioman»), Arciom Vołkaŭ, Alaksandr Kitaraŭ, Jaŭhien Kavyršyn (usie — «Dynama» Minsk), Arciom Dziamkoŭ («Šachcior»), Stanisłaŭ Łapačuk («Junactva»), Maksim Suško («Oŭen Saŭnd»), Mikita Fieaktystaŭ («Admirał»), Džef Płat («Jokieryt»), Jahor Šaranhovič («Binchemptan»).
Kamientary