Troje chłopcaŭ z Rasii arhanizavali pad Minskam narkałabaratoryju, kanfiskavana kala 30 kh psichatropaŭ. Heta najbujniejšaja narkałabaratoryja za historyju niezaležnaj Biełarusi, paviedamili ŭ Dziaržpahrankamitecie.
Supracoŭniki apieratyŭnaha padraździaleńnia pahransłužby i KDB sumiesna z FSB Rasii ŭ chodzie apieratyŭna-vyšukovych mierapryjemstvaŭ spynili dziejnaść prafiesijna abstalavanaj padpolnaj łabaratoryi ŭ Minskim rajonie. Jana śpiecyjalizavałasia na vytvorčaści asabliva niebiaśpiečnych psichatropaŭ alfa-PVP i alfa-PHP.
Dvuch chłopcaŭ 1995 hoda naradžeńnia 23 krasavika zatrymali z dokazami złačynstva ŭ Chaciežynie, ich padručnaha — na składzie ŭ v.Malinaŭka. Usie troje — hramadzianie Rasii.
«Vyjaŭleny i kanfiskavanyja pramysłovaje łabaratornaje abstalavańnie, bieły parašok ahulnaj vahoj kala 30 kh i roznyja vadkaści ahulnym abjomam 750 ł. Pa zaklučeńni ekśpierta, pradstaŭlenyja ŭzory źjaŭlajucca asabliva niebiaśpiečnymi psichatropnymi rečyvami alfa-PVP i alfa-PHP, a taksama prekursoraŭ 4-mietyłprapijafienon. Papiarednie ŭstanoŭlena, što prekursory dla vyrabu psichatropaŭ i łabaratornaje abstalavańnie byli ŭviezieny ŭ Biełaruś z terytoryi Rasii», - prainfarmavali ŭ Dziaržpahrankamitecie.
Za arhanizacyju narkałabaratoryi im pahražaje da 20 hadoŭ pazbaŭleńnia voli.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva3
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2929
Kamientary