Čystaja nafta pa naftapravodzie «Družba» ŭ Biełaruś jašče nie pastupiła, pierahavory z rasijskim bokam praciahvajucca siońnia ŭ Maskvie, paviedamili BiełTA ŭ pres-słužbie kancerna «Biełnaftachim».
«Śpiecyjalistami arhanizacyj pa naftapravodnym transparcie - AAT «Homieltransnafta Družba» i «Połacktransnafta Družba» - pryniaty ŭsie techničnyja miery dla chutčejšaha atrymańnia čystaj nafty z rasijskaha punkta Unieča. Ciapier u trubapravodzie na biełaruskaj terytoryi pa-raniejšamu znachodzicca nafta ź pieravyšeńniem u sastavie narmatyvu chłorarhaniki. Prapampoŭka čystaj nafty pa «Družbie» nie pačałasia», - prainfarmavali ŭ «Biełnaftachimie».
NPZ pa-raniejšamu pracujuć na źnižanaj vytvorčaj zahruzcy.
«Kancernam i arhanizacyjami viadziecca štodzionny ŭlik niedaatrymanych dachodaŭ z-za źnižeńnia zahruzki NPZ, prypynieńnia ekspartu naftapraduktaŭ, ramontu abstalavańnia i inšych mier, pryniatych z-za pastaŭki niajakasnaj nafty», - adznačyli ŭ pres-słužbie.
Viadziecca taksama acenka nienaležnaha vykanańnia rasijskimi kontrahientami dahavornych abaviazacielstvaŭ.
«Rabota pa ŭrehulavańni situacyi z pastaŭkami niajakasnaj rasijskaj nafty pa mahistralnym naftapravodzie «Družba» pradaŭžajecca. Siońnia delehacyja kancerna «Biełnaftachim» na čale z namieśnikam staršyni kancerna Uładzimiram Sizovym znachodzicca ŭ Maskvie, dzie na bazie Minenierha RF buduć pradoŭžany pierahavory z udziełam rasijskich naftavych kampanij», - dadali ŭ pres-słužbie.
Kamientary