Piensijanier učyniŭ raźniu ŭ rasijskaj haziecie, jakaja admoviłasia publikavać jaho artykuł pra Stalina
Mužčyna napaŭ z nažom na supracoŭnikaŭ redakcyi haziety «Rodina» ŭ Staŭrapali (Rasija). Jon patrabavaŭ apublikavać jaho artykuł pra Stalina.
Incydent adbyŭsia paśla 11:00. U vyniku napadzieńnia paciarpieŭ hałoŭny redaktar haziety Mikałaj Bandarenka i try supracoŭniki rasijskaj kampartyi.
«Jon patrabavaŭ, kab apublikavali jaho artykuł pra Stalina. Kali jamu skazali, što razhledziać hetaje rašeńnie na kalehii, to jon dastaŭ palaŭničy nož i napaŭ na hałoŭnaha redaktara», — raspavioŭ deputat Dumy Staŭrapolskaha kraju Viktar Łazavy.
Deputat dadaŭ, što napadzieńnie na supracoŭnikaŭ redakcyi haziety i siabraŭ partyi ŭ Staŭrapali ździejśniŭ psichična chvory čałaviek.
«Napaŭ na jaho ŭ redakcyi adzin z aŭtaraŭ, čyje artykuły nie byli apublikavanyja ŭ haziecie «Rodina» pa pryčynie ich niaskładnaści. Jon pryjšoŭ z razborkami, čamu jaho nie nadrukavali i paśla razmovy vychapiŭ nož, mieciŭ u horła, trapiŭ u ščaku. Davoli doŭha spyniali kryvaciok. Jon [Mikałaj Bandarenka] ciapier adychodzić ad apieracyi. [Raniej] pahroz nie było», — paviedamiła RBK dačka hałoŭnaha redaktara Mikałaja Bandarenki Śviatłana Sundukova.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary