Padčas vizitu ŭ Nur-Sułtan Alaksandr Łukašenka sustreŭsia i ź pieršym prezidentam Kazachstana, piša BiełTA
«Dziakuj vialiki za vialikuju pavahu da biełaruskaha naroda. Heta nie tolki maja zasłuha, heta vaša luboŭ i staŭleńnie da majho naroda. Ja viedaju, jak vy staviciesia da biełarusaŭ. Bolš za 20 hadoŭ ja ad vas heta zaŭsiody čuŭ. Vielmi rady, što vam padabajecca Biełaruś. My taksama da vašych pasłuh — u luby čas pryjazdžajcie, ja budu vas čakać «, - skazaŭ kiraŭnik biełaruskaj dziaržavy.
«Što b ni zdaryłasia, na jakich by pasadach ni pracavali, nas źviazvaje bolšaje — siabroŭstva. Vy pravilna skazali: u žorstkija časy pa samych surjoznych pytańniach jak by my ni spračalisia, my zaŭsiody akazvalisia pa adzin bok barykad. Zaŭsiody abaraniali našy intaresy, a ŭ Kazachstana i Biełarusi nikoli navat palarnych punktaŭ hledžańnia nie było na tyja ci inšyja prablemy. Tamu naša siabroŭstva budzie raźvivacca», - upeŭnieny Alaksandr Łukašenka.
Nursułtan Nazarbajeŭ ŭručyŭ Alaksandru Łukašenku orden «Pieršy Prezident Respubliki Kazachstan — Lidar Nacyi Nursułtan Nazarbajeŭ», jaki źjaŭlajecca dziaržaŭnaj uznaharodaj Kazachstana i zasnavany ŭ mai 2001 hoda. Orden kiraŭniku biełaruskaj dziaržavy uručany ŭ aznamienavańnie 25-hodździa idei ab jeŭrazijskaj intehracyi i 5-hodździa padpisańnia Dahavora ab JEAES, a taksama za asablivy ŭniosak u pahłybleńnie i pašyreńnie supracoŭnictva z Kazachstanam.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami30
Kamientary