«Śviatara Hruzinskaj pravasłaŭnaj carkvy» buduć sudzić za machlarstva, kradziež i raspaŭsiud hiej-porna
Viciebskaj milicyjaj spyniena dziejnaść iłžeśviatara Hieorhija Krata, paviedamlaje UUS Viciebskaha abłvykankama
Infarmacyja ab relihijnym ašukancy ŭpieršyniu źjaviłasia na aficyjnym sajcie Viciebskaj dyjacezii. Viernikaŭ papiaredžvali ab tym, što na terytoryi Viciebskaj vobłaści niechta Hieorhij Krot, jaki pradstaŭlajecca «archimandrytam» Hruzinskaj Pravasłaŭnaj Carkvy z Abchazii, a taksama nastajacielem skita Dabravieščańnie Najśviaciejšaj Baharodzicy ŭ Respublicy Biełaruś, źbiraje achviaravańni nibyta na budaŭnictva chrama, a taksama pravodzić carkoŭnyja abrady za płatu. Aficyjnaja krynica pakazvała na ašukanski charaktar dziejnaści iłžeśviatara.
U chodzie apieratyŭnych mierapryjemstvaŭ supracoŭnikami było ŭstanoŭlena, što 33 hadovy ŭradženiec Mahiloŭskaj vobłaści da 2012 hoda pracavaŭ kačaharam, paśla čaho pierakvalifikavaŭsia ŭ śviatara. U jakaści dokazu prynaležnaści da pravasłaŭnaha kliru machlar vykarystaŭ padroblenyja dakumienty. Śviadoma uvodziačy ŭ zman viernikaŭ, jon pieraśledvaŭ asabistyja karyślivyja intaresy. Pradstaŭlajučysia pravasłaŭnym śviatarom prapanoŭvaŭ zrabić achviaravańni na hruzinskija manastyry. Hrašovyja srodki atrymlivaŭ taksama praz raźmiaščeńnie ŭ sietcy infarmacyi pra zbor achviaravańniaŭ na budaŭnictva chrama praz sacyjalnuju sietku. Atrymanyja ašukanskim šlacham achviaravańni mužčyna marnavaŭ na asabistyja patreby.
Akramia hetaha, u chodzie pravierki infarmacyi, jakaja pastupiła ŭstanoŭlena, što iłžeśviatar na adnoj z asabistych staronak raźmiaściŭ materyjały parnahrafičnaha ŭtrymańnia homasieksualnaha charaktaru, dastupnyja dla volnaha prahladu i zapampoŭki. Pa dadzienym fakcie zaviedziena kryminalnaja sprava pa č. 2 art. 343 KK.
Jašče adna kryminalnaja sprava kryminalnaja sprava pa č. 1 art. 205 KK Respubliki Biełaruś zaviedziena pa fakcie kradziažu. Źjechaŭšy sa zdymnaha žylla ŭ Aršanskim rajonie, mužčyna vykraŭ vopratku, bytavuju techniku, 6 ikon i 8 carkoŭnych knih.
Ciapier iłžeśviatar zatrymany. Pravodzicca dalejšaje rasśledavańnie.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary