U fieadasijskim Kaktebieli (Krym) kanalizacyjnyja ścioki zalivajuć prybiarežnuju akvatoryju adnaho ź plažaŭ. Na videa na adnym z kaktebielskich plažaŭ z-pad halki ledź nie fantanam bje čornaja vadkaść, jakaja zatym, utvarajučy ŭžo nievialikaje aziarco, naŭprost nakiroŭvajecca ŭ mora.
Vykid kanalizacyi adbyŭsia na plažy ŭ samym pačatku kaktebielskaj nabiarežnaj, u rajonie vulicy Desantnikaŭ. Truba, chutčej za ŭsio, naležyć adnoj z zabaŭlalnych ustanoŭ, raźmieščanych niepadalok.
Praź niekalki dzion paśla zdareńnia «mer Fieadosii» Siarhiej Baŭtunienka zajaviŭ, što «bijałahičny analiz u normie».
Adnak miascovyja aktyvisty nie pavieryli, i adpravili novy zapyt. Akazałasia, što hraničnyja kancentracyi škodnych rečyvaŭ u mory pobač z Kaktebielam pieravyšanyja ŭ dziasiatki i sotni razoŭ. Chutčej za ŭsio, u buchtu Kaktebiel sapraŭdy źlivajuć ekskremienty. Kali nie čałaviečyja, to karoviny abo ptušynyja.
Vykidy na plažy — chraničnaja prablema Kaktebiela, takija vypadki zdarajucca rehularna. Vyklikanyja jany niezakonnymi zabudovami na plažy i ŭrezkami ŭ kanalizacyju.
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary