Mitrapalit Minski Pavieł: Času na vyvučeńnie biełaruskaj movy ŭ mianie niama
U intervju sajtu patriarchia.ru Mitrapalit Minski i Zasłaŭski Pavieł vykazaŭ svajo mierkavańnie pa moŭnym pytańni. Uładyka raspavioŭ, pa jakoj pryčynie adkładaje vyvučeńnie biełaruskaj movy.
«Usie adzin adnaho razumiejuć, na ruskaj i na biełaruskaj movach, — zajaviŭ jon. — Tut usio-taki situacyja adroźnivajecca ad ZŠA, dzie ja słužyŭ raniej. U Złučanych Štatach ja časam traplaŭ u takija parafii, dzie nichto nie razmaŭlaje pa-rusku. Tamu ja byŭ vymušany razmaŭlać na anhlijskaj movie. I słužyć prychodziłasia na anhlijskaj, i prapaviedavać na anhlijskaj. Takija składvalisia abstaviny. Kali ŭźnikaje žyćciovaja nieabchodnaść, to prychodzicca vyvučać movu. Ale ŭ Biełarusi, kali chtości razmaŭlaje pa-biełarusku, ja ŭsio razumieju, moža być, za vyklučeńniem niekatorych słoŭ. I voś pa hetaj pryčynie ja ŭvieś čas adkładaju vyvučeńnie movy na potym, kali budzie ŭ mianie na hety čas, a času ŭsio niama i niama. Ale samu ideju — vyvučyć movu — ja nie pakidaju», — zajaviŭ Mitrapalit Minski i Zasłaŭski.
Kamientary