Hiermanija pryciahnuła da adkaznaści dypłamataŭ za «łajki» nieprymalnych tvitaŭ
MZS Hiermanii zajaviŭ, što ŭvioŭ novyja pryncypy pracy ŭ sacyjalnych miedyja i ŭžyŭ miery dyscyplinarnaha ŭździejańnia da dypłamatyčnaha piersanału misii krainy na palestynskich terytoryjach. Pra heta paviedamlaje Associated Press.
MZS Hiermanii pačało rasśledavańnie paśla taho, jak vyśvietliłasia, što Twitter-akaŭnt misii krainy na palestynskich terytoryjach staviŭ «łajki» antyizrailskim paviedamleńniam.
Ministerstva zamiežnych spravaŭ zajaviła ŭ aŭtorak, što 10 čałaviek mieli dostup da akaŭnta, i niezrazumieła, chto staviŭ «łajki». Ministerstva zajaŭlaje, što akaŭnt nie byŭ abaronieny ad starońnich karystalnikaŭ.
Kiraŭnik ofisu Hiermanii ŭ Ramale Kryścijan Kłahies i inšyja byli pryciahnuty da dyscyplinarnaj adkaznaści, havorycca ŭ paviedamleńni. Asnovy pracy ŭ sacyjalnych sietkach, razasłanyja na ŭsie dypłamatyčnyja pasady, tłumačać, što «navat łajki razumiejucca jak vykazvańnie dumki niamieckaha ŭrada», i ciapier jany majuć patrebu va ŭchvaleńni dvuch čałaviek.
U niamieckim MZS «kateharyčna» admiežavalisia ad antyizrailskich «łajkaŭ» i nazvali ich «nieprymalnymi».
Publikujecca ŭ miežach śpiecyjalnaj rubryki «Naviny Hiermanii»
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary