Германія прыцягнула да адказнасці дыпламатаў за «лайкі» непрымальных твітаў
МЗС Германіі заявіў, што ўвёў новыя прынцыпы працы ў сацыяльных медыя і ўжыў меры дысцыплінарнага ўздзеяння да дыпламатычнага персаналу місіі краіны на палестынскіх тэрыторыях. Пра гэта паведамляе Associated Press.
МЗС Германіі пачало расследаванне пасля таго, як высветлілася, што Twitter-акаўнт місіі краіны на палестынскіх тэрыторыях ставіў «лайкі» антыізраільскім паведамленням.
Міністэрства замежных справаў заявіла ў аўторак, што 10 чалавек мелі доступ да акаўнта, і незразумела, хто ставіў «лайкі». Міністэрства заяўляе, што акаўнт не быў абаронены ад старонніх карыстальнікаў.
Кіраўнік офісу Германіі ў Рамале Крысціян Клагес і іншыя былі прыцягнуты да дысцыплінарнай адказнасці, гаворыцца ў паведамленні. Асновы працы ў сацыяльных сетках, разасланыя на ўсе дыпламатычныя пасады, тлумачаць, што «нават лайкі разумеюцца як выказванне думкі нямецкага ўрада», і цяпер яны маюць патрэбу ва ўхваленні двух чалавек.
У нямецкім МЗС «катэгарычна» адмежаваліся ад антыізраільскіх «лайкаў» і назвалі іх «непрымальнымі».
Публікуецца ў межах спецыяльнай рубрыкі «Навіны Германіі»
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары