Pieramovy pa canie na haz dla Biełarusi iduć. Akramia taho, u bakoŭ jość pahadnieńnie, u jakim vyznačany ałharytm farmavańnia cany na haz. Pra heta žurnalistam raspavioŭ pasoł Rasii ŭ Biełarusi Dźmitryj Mieziencaŭ, piša Tut.by.
Siońnia Rasija ŭstanaviła dla Biełarusi samuju ilhotnuju canu na haz u paraŭnańni z astatnimi partniorami — 127 dalaraŭ za kubamietr. Pieramovy pa canie na 2020 hod ciapier iduć.
— Pieramovy iduć, jość pahadnieńnie, jakoje dziejničaje ciapier, dziejničała letaś i dziejničać budzie ŭ nastupnym hodzie. Jak dadatak da hetaha pahadnieńnia vyznačany ałharytm farmavańnia cany na haz. Formuła składanaja, ja chacieŭ by, kab jaje kamientavali pradstaŭniki Minenierha našych krain. Ale tyja pieramovy, jakija buduć vieścisia da kanca hetaha hoda, miarkuju, daduć, samy aptymalny i kamfortny varyjant u, padkreślu, ramkach zaklučanaha pahadnieńnia. Cana — nastupstva ŭžo zaklučanaha pahadnieńnia, a nie novych pieramoŭ, heta važny momant, — padkreśliŭ Mieziencaŭ.
Pasoł padkreśliŭ, što pieramovy nosiać čysta techničny charaktar i «aptymalnaje rašeńnie» budzie znojdziena da 31 śniežnia.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary