«Naša piva charašo!» Biełaruś utrymała 4-je miesca siarod pastaŭščykoŭ piva ŭ Jeŭrasajuz
Statystyčnaje viedamstva Jeŭrasajuza apublikavała źviestki pra vyrab piva i handal im u ES.
Biełaruś utrymałasia na 4-j miescy siarod krain, jakija ekspartujuć piva ŭ Jeŭrapiejski sajuz. Śpis taki:
Mieksika 250 miljonaŭ litraŭ, abo 52% ad usiaho impartu piva ŭ ES
Sierbija 57 młn ł, 12%
ZŠA 43 młn ł, 9%
Biełaruś 22,7 młn ł, 5%
Ukraina 19 młn ł, 4%
Kitaj 17 młn ł, 4%
Rasija 14 młn ł, 3%
Tajłand 10 młn ł, 2%
U paraŭnańni z 2017 hodam Mieksika, Sierbija, Ukraina, Rasija ŭ 2018-m pastaŭki piva naraścili, ZŠA — źmienšyli. Abjom pastavak ź Biełarusi zastaŭsia niaźmienny.
Lvinuju dolu biełaruskaha piva spažyvaje Litva. Niakiepska jano pradajecca taksama ŭ Łatvii i Estonii. Trochi biełaruskaha piva kuplajuć taksama ŭ Niamieččynie i Polščy.
«Kruci, kruci kalaso! Naša piva charašo!» — hetuju prykazku starych padniaproŭskich pivavaraŭ pryvodzić Uładzimir Karatkievič u «Ładździ rospačy».
Najbujniejšym zamiežnym rynkam dla biełaruskich brovaraŭ zastajecca Rasija. Adnak i Rasija masava pastaŭlaje piva ŭ Biełaruś. Poŭnych źviestak za 2018 hod pakul niama, ale, zhodna z rasijskaj statystykaj, tolki za 10 pieršych miesiacaŭ 2018 hoda minus u handli pivam z Rasijaj skłaŭ 7 młn litraŭ.
U toj ža čas u handli piva ź ES u Biełarusi bałans dadatny. Za 2018 hod Biełaruś impartavała ź Jeŭrasajuza tolki 2,6 młn litraŭ, pieravažna z Čechii, Litvy, Hiermanii i Bielhii. U toj ža čas ekspartavała Biełaruś u Jeŭrasajuz na 20 młn litraŭ bolš.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary