Litr małaka — 3 rubli, kiłahram kaŭbasy — ad 35 rubloŭ. Ci hatovyja biełarusy pierapłačvać za ekałahičnyja pradukty?
Da prykładu: zvyčajny biełaruski syr u kramie kaštuje ŭ miežach 15 rubloŭ, u hety ž čas fiermierski pradukt budzie kaštavać kala 50 rubloŭ za kiłahram.
«Naša Niva» pacikaviłasia ŭ fiermiera Jaŭhiena Kavaleviča i ŭ kaardynatarki prajektu «Usio svajo» Ksienii Viackaj, ci karystajucca popytam u biełaruskaha pakupnika ekałahičnyja, ale našmat bolš darahija pradukty.
Na Paleśsi klijentury nul, pradajomsia tolki ŭ Minsku
Fiermier z-pad Pinska Jaŭhien Kavalevič raskazvaje, što zajmajecca kamiercyjnaj dziejnaściu tolki druhi hod.
«U Minsku navat nie pytajucca košty, prosta prosiać peŭnuju kolkaść peŭnaha syru. A ŭ nas na Paleśsi nie prosta mała klijentaŭ, ich niama naohuł. Ja nie viedaju, ci źviazana heta z koštam, samy darahi naš syr kaštuje 45 rubloŭ za kiłahram», — raspaviadaje fiermier.
Jaŭhien Kavalevič vyrablaje roznyja hatunki syroŭ: macarełu, rykotu, fietu. Syr, jaki kaštuje 45 rubloŭ, vytrymany ad troch miesiacaŭ da paŭhoda. Nazyvajecca «Paleski».
«Pa recepcie — heta anałah francuzskaha syru tom (tomme), ale praz toje, što małako dla jaho dajuć našy paleskija karovy, vyrašyli dać jamu miascovuju nazvu», — tłumačyć Jaŭhien.
Zamovy na syr Jaŭhienu pastupajuć u asnoŭnym ad jaho padpisčykaŭ u instahramie.
«Kali nabirajecca peŭnaja kolkaść zamoŭ, ja sam advožu syr u Minsk. Kali chtości zamović syr ź inšych rehijonaŭ, napeŭna, pasprabujem pierasłać poštaj. Ale heta teoryja, takija dalokich zamoŭ u nas jašče nie było», — kaža fiermier.
Jaŭhien radujecca, što ludzi ŭsio ž cikaviacca ekałahičnym charčavańniem, i maryć pra toje, kab kirmašy kštałtu «Usio svajo» adbyvalisia rehularna.
«Asabliva ŭ pačatku leta. Viesnavyja syry samyja žoŭtyja i smačnyja», — raskazvaje jon.
Nie dušycie fiermieraŭ siertyfikatami — i ekałahičnych praduktaŭ u Biełarusi stanie bolej
Hod tamu aktyvistka ruchu Slow Food i arhanizatarka prajektu «Usio svajo» Ksienija Viackaja arhanizavała pieršy ŭ Biełarusi kirmaš fiermieraŭ, jaki abjadnaŭ kala 50 fiermieraŭ z usioj Biełarusi.
«Ad takich kirmašoŭ vyihryvajuć usie: i pakupniki, i fiermiery. Fiermiery žyvuć adasoblena, niekatoryja ź ich navat upeŭnienyja ŭ tym, što jany adzinyja ŭ Biełarusi, chto piače chleb abo vyroščvaje sparžu. Tamu maja zadača staić najpierš u tym, kab paznajomić fiermieraŭ adzin z adnym, kab naturalnych praduktaŭ u Biełarusi stanaviłasia bolš, kab fiermiery ŭtvarali kałabaracyi. Naprykład, na letašnim kirmašy ŭ nas byli chłopcy, jakija rabili kazinaki z rasijskich i ŭkrainskich arechaŭ, a ŭ nas jany paznajomilisia ź fiermieram, jaki vyroščvaje hreckija arechi ŭ Biełarusi. Ciapier tyja kazinaki — całkam biełaruskija», — raskazvaje Ksienija.
A asnoŭnaja prablema fiermieraŭ Biełarusi nie ŭ darahich cenach na ich pradukcyju, a ŭ tym, što zakanadaŭstva zaminaje fiermieru vyjści na vialiki rynak.
«Pa zakonie nivodzin fiermier nie moža prosta pradavać svaju pradukcyju ni ŭ restaranach, ni ŭ mahazinach. Patrebnaja siertyfikacyja. A siertyfikat kaštuje kala 6000 biełaruskich rubloŭ. Jak vy razumiejecie, nivodzin fiermier nie budzie hetym zajmacca. Mnie zdajecca, što dastatkova atrymać papierku ź vieterynarnaj słužby, što pradukt jakasny. I ŭsio. Dajcie fiermieram zialonaje śviatło», — kaža Ksienija.
Pastajannyja fiermierskija rynki, upeŭnienaja Ksienija, — heta ŭtopija.
«Što samaje hałoŭnaje ŭ takich kirmašach? Kab fiermier paznajomiŭsia sa svaim pakupnikom, kab raskazaŭ pra toje, z čaho zrobleny jaho pradukt, kab pakupnik ubačyŭ ruki i vočy taho čałavieka, što pradaje jamu pradukty, tamu ja liču, što kirmašy takija treba pravodzić siezonna, jak śviata», — kaža žančyna.
A nakont taho, ci pierapłačvać za jakaść i naturalnaść, Ksienija kaža, što heta asabisty vybar čałavieka.
«Kali čałaviek uśviedamlaje, što treba pačać karmić siabie jakasnaj ježaj, to pra jakoje «doraha» my z vami havorym?» — uśmichajecca Ksienija Viackaja.
Niekatoryja košty na fiermierskija pradukty
Mnohija fiermiery ŭ svaich instahram-akaŭntach razam z prapanovami adrazu raźmiaščajuć i košty na svaje pradukty. Voś za jakija hrošy siońnia možna kupić chatnija pradukty:
- Jajki — 4 rubli dziasiatak
- Tvaroh — 10 rubloŭ za kiłahram
- Małako — 3 rubli za litr
- Śmiatana — 5 rubloŭ za litr
- Johurt hrečaski — 5 rubloŭ za litr
- Vareńnie — ad 7 rubloŭ za 250 hramaŭ
- Kunžutny alej — 6 rubloŭ za 100 hramaŭ
- Kaŭbasy chatnija — ad 35 rubloŭ za kiłahram
- Syry chatnija — ad 25 rubloŭ za kiłahram.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj4
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary