Raman «Kałasy pad siarpom tvaim» ciapier možna nie tolki čytać, ale i słuchać. Corak hadzinaŭ estetyčnaha zadavalnieńnia vam zabiaśpiečanyja.
Raman Uładzimiera Karatkieviča «Kałasy pad siarpom tvaim» ciapier možna nia tolki čytać, ale i słuchać.Vydaviecka‑reklamnaja kampanija «BiełTonMiedyja» vypuściła jaho ŭ farmacie MR3, čym zapačatkavała biblijateku aŭdyjoknih znakamitaha majstra ajčynnaje litaratury.
Corak hadzinaŭ estetyčnaha zadavalnieńnia vam zabiaśpiečanyja. I nia treba vočy ślapić u paŭzmroku hramadzkaha transpartu nad taminami znakavaha tvoru ajčynnaje litaratury. Dyrektar «BiełTonMiedyi» Aleś Kałoša kaža, što pačać vypusk aŭdyjoknih Uładzimiera Karatkieviča mienavita z «Kałasoŭ…» kampaniju zmusiła asablivaja rola ramana ŭ duchoŭnaj prastory biełarusaŭ.
Natchnialnikam vydańnia staŭ słynny čytalnik, jaki ŭznačalvaŭ katedru sceničnaj movy Biełaruskaj akademii mastactvaŭ Andrej Kalada. Ahučyć «Kałasy…» było daŭniaj maraj kolišniaha stvaralnika teatru «Žyvoje słova». I voś jana spraŭdziłasia. Ciapier Andrej Kalada načytvaje dla «BiełTonMiedyi» inšyja tvory Ŭładzimiera Karatkieviča. Spadar Kałoša praciahvaje:
«Andrej Kalada pačaŭ čytać u studyi ŭžo raman «Chrystos pryziamliŭsia ŭ Harodni«. My planujem vydać i «Čorny zamak Alšanski«, i «Dzikaje palavańnie karala Stacha«. Dumajem zrabić cełuju antalohiju aŭdyjoknih pa tvorčaści Karatkieviča».
Hukavuju antalohiju Ŭładzimiera Karatkieviča składuć sama mieniej šeść dyskaŭ.Pieršy ź ich na hetym tydni ŭžo źjavicca na palicach centralnych mienskich kniharniaŭ i specyjalizavanych kramaŭ, dzie pradajucca aŭdyjodyski. Nastupnyja dyski aŭdyjoantalohii Ŭładzimiera Karatkieviča čakajucca ciaham hodu.
Ciapier čytajuć
Staŭ viadomy prysud eks-pamočniku Łukašenki Iharu Bryło2
Kamientary