Dla minčukoŭ 30 žniŭnia zapuściać biaspłatny «małočny ekspres» u Brest na najbujniejšy małočny fest. «Savuškaŭ pradukt» adpravić niekalki aŭtobusaŭ sa stalicy ranicaj, a dastavić haściej nazad poźnim viečaram.
Ź Minska da Bresta aŭtobusy prajeduć biez prypynkaŭ, a vysadziać pasažyraŭ kala parku Miru, dzie i projdzie fest. Uviečary možna budzie takim ža čynam viarnucca ŭ Minsk. Miescy piersanalnyja, braniravać ich treba zahadzia.
Adpraviacca aŭtobusy a vośmaj hadzinie ranicy z parkoŭki hipiermarkieta ProStore u Malinaŭcy. Pasažyraŭ u darozie čakaje małočny śniadanak.
Trapić na «małočny ekspres» moža kožny žadajučy. Dla hetaha treba prajści pa spasyłcy i pakinuć zajaŭku ŭ internecie. Pakolki kolkaść miescaŭ abmiežavanaja, bilety razyhrajuć vypadkovym čynam. Sama pajezdka biaspłatnaja, nijakich patrabavańniaŭ arhanizatary nie vystaŭlajuć.
«Małočny fest u Breście vychodzić na novy ŭzrovień. I ideja «małočnaha ekspresa» — u tym, kab dać mahčymaść bolšaj kolkaści minčukoŭ ubačyć hetuju padzieju na svaje vočy. Pahruzicca ŭ atmaśfieru śviata i 1000-hodździa Bresta možna budzie ŭžo ŭ aŭtobusie, a na samim feście ŭsich čakaje čarada aktyŭnaści ŭ režymie non-stop — ad rekanstrukcyj «załatoha stahodździa» da hrand-kancertu i śvietłavoha šou. Kožny žadajučy zmoža naviedać fiestyval biaspłatna, pryjechaŭšy samastojna abo na «małočnym ekspresie», — tłumačać u kampanii «Savuškaŭ pradukt».
Fiestyval «Abłoki małaka», jak čakajecca, źbiare ŭ Breście kala 50 tysiač čałaviek. Park Miru budzie padzieleny na piać tematyčnych zon ź dźviuma scenami — vialikaj i małoj. Aktyŭnaści buduć prachodzić i na Leninhradskaj vulicy, što znachodzicca ŭzdoŭž parku.
Naviedvalnikaŭ čakajuć interaktyŭnyja placoŭki i instalacyi, vakoł jakich ŭstalujuć dva fudkorty. Na praciahu dnia buduć vystupać kavier-bendy, tancavalnyja hrupy i dziciačyja kalektyvy. Praduhledžany dva małočnyja kafe, hadzińnikavaja vieža i Dreva žadańniaŭ z pasłańniami 1000-hadovamu Brestu. Uviečary na hałoŭnaj scenie projdzie hała-kancert, a zavieršycca ŭsio malaŭničym śvietłavym šou.
Małočny fest projdzie ŭ Breście 30 žniŭnia z 12 da 23 hadziny. Pravodzić jaho kampanija «Savuškaŭ pradukt» pry padtrymcy Bresckaha harvykankama da 1000-hodździa horada. Fiestyval nakiravany na papularyzacyju kultury aktyŭnaha siamiejnaha adpačynku, zdarovaha ładu žyćcia i spažyvańnia naturalnych małočnych praduktaŭ.
Kamientary