Fiederalnyja prakurory ŭ Manchetenie rasśledujuć, ci parušaŭ asabisty advakat prezidenta Trampa Rudolf Džulijani zakony ab łabijavańni padčas svajoj dziejnaści va Ukrainie, piša The New York Times.
Śledčyja vyvučajuć dziejańni Džulijani, nakiravanyja suprać amierykanskaha ambasadara va Ukrainie Mary Javanavič, jakaja była adklikanaja viasnoj.
Rasśledavańnie suprać Džulijani źviazana sa spravaj suprać dvuch jaho paplečnikaŭ Lva Parnasa i Ihara Frumana, jakija byli aryštavanyja na hetym tydni pa abvinavačvańni ŭ finansavańni vybarčaj kampanii. Ich abvinavačvajuć u niezakonnych achviaravańniach kanhresmienu, čyju dapamohu jany šukali ŭ zvalnieńni Javanavič.
Fiederalny zakon patrabuje, kab amierykanskija hramadzianie paviedamlali Ministerstvu justycyi pra lubyja kantakty z uradam ci ŚMI ŭ ZŠA pa ŭkazańni abo zapycie zamiežnych palitykaŭ ci ŭradavych čynoŭnikaŭ, niezaležna ad taho, apłačvajecca takoje pradstaŭnictva ci nie.
Vydańnie adznačaje, što Džulijani admaŭlaŭ pravaparušeńni sa svajho boku, ale pryznaŭ, što jon i jaho partniory pracavali z ukrainskimi prakurorami dla zboru kampramatu na Javanavič, a taksama na byłoha vice-prezidenta Džo Bajdena i jaho syna Chantera.
Kamientary