Sprava ab handli zbrojaj u Baranavičach. Prakuror prosić dla hałoŭnaha fihuranta 11 hadoŭ kałonii
Padsudnyja skardzilisia na cisk z boku KDB i SK. Ale prakurorskaja pravierka hetaha nie paćvierdziła, piša Radyjo Svaboda.
14 listapada ŭ Baranavičach adnaviŭsia sudovy praces pa spravie ab kradziažy zbroi i handli joju. Na papiarednim pasiedžańni sudździa pastanaviła prypynić razhlad spravy praz toje, što šerah abvinavačanych zajavili pra źbićcio i psychalahičny cisk z boku supracoŭnikaŭ KDB, kontravyviedki, Śledčaha kamitetu, a taksama vajskovaj častki 29969, adkul, pavodle śledztva, vykradali zbroju. U vyniku prakuratura pastanaviła va ŭzbudžeńni kryminalnaj spravy pavodle zajavaŭ abvinavačanych admović, bo ahučanyja imi fakty fizyčnaha i psychalahičnaha cisku nie znajšli paćvierdžańnia. Amal adrazu paśla hetaha sudździa Litvinčyk abviaściła pra zaviaršeńnie sudovaha razboru i pierachod da sprečak bakoŭ.
Tolki pieralik dakazanych, na dumku dziaržaŭnaha abvinavačvańnia, złačynstvaŭ abvinavačanych zaniaŭ u prakuroraŭ bolš za 2,5 hadziny. Jany ličać vinu ŭsich dziesiaci abvinavačanych dakazanaj i adznačyli, što šerah ź ich aktyŭna supracoŭničali sa śledztvam, raskazvali pra akaličnaści ŭčynieńnia złačynstvaŭ, nazyvali imiony inšych udzielnikaŭ, pakazvali miescy zachoŭvańnia skradzienaj zbroi.
U vyniku dziaržaŭny abvinavaŭca paśpieŭ abviaścić, što prosić pakarać asnoŭnaha fihuranta spravy, praparščyka Dźmitryja Kulžyka, 11 hadami pazbaŭleńnia voli z adbyvańniem u kalonii ŭzmocnienaha režymu i štrafam u pamiery 60 bazavych vieličyń, a taksama pazbaŭleńniem vajskovaha zvańnia.
Mienavita Dźmitry Kulžyk, pavodle materyjałaŭ śledztva, byŭ klučavoj asobaj u złačynnaj schiemie vykradańnia i prodažu zbroi. Jon nia tolki byŭ zahadčykam składu, adkul kraŭ pistalety Makarava i aŭtamaty Kałašnikava, a taksama bojeprypasy da ich, ale i asabista vynosiŭ i vyvoziŭ skradzienaje za miežy vajskovaj častki.
Z abviaščeńniem mahčymaha pakarańnia dla inšych abvinavačanych u prakuroraŭ uźnikli techničnyja składanaści. Na pracesie abvieščany čarhovy pierapynak.
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
-
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram4
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary