Dźmitryj Łukašenka z dočkami ŭručyŭ padarunki vychavancam Dzivinskaha dziciačaha doma FOTY

Staršynia «Prezidenckaha spartyŭnaha kłuba» Dźmitryj Łukašenka razam ź siamjoj uziaŭ udzieł u respublikanskaj dabračynnaj akcyi «Našy dzieci». Jany naviedali Dzivinski dziciačy dom u Kobrynskim rajonie, piša BiełTA

Pavialičyć

Vychavancy ŭstanovy ź cikavaściu panazirali za teatralizavanym pradstaŭleńniem kala jołki. Jany śpiavali i tancavali ź Dziedam Marozam i Śniahurkaj, hulali ŭ ruchomyja hulni. Razam ź dziećmi ŭ zabaŭlalnaj prahramie paŭdzielničali Dźmitryj Łukašenka z žonkaj i dočkami. «Chaču pavinšavać usich z Kaladami i Novym hodam, pažadać miru, dabra i aptymizmu. Niachaj u vas u nastupnym hodzie ŭsio budzie dobra», — skazaŭ staršynia Prezidenckaha spartyŭnaha kłuba. Śviata pa tradycyi zaviaršyłasia ŭručeńniem padarunkaŭ. Akramia prysmakaŭ vychavancam dziciačaha doma pieradadzieny raźvićciovyja cacki. Taksama ŭstanova atrymała hazonakasiłku. Chłopcy ciopła padziakavali haściam i padaryli navahodnija suvieniry.

Pavialičyć

U Dzivinskim dziciačym domie siońnia znachodziacca 29 vychavancaŭ va ŭzroście ad 3 da 18 hadoŭ. Jany žyvuć u hrupach-kvaterach, umovy ŭ jakich maksimalna nabližany da chatnich. U bolšaści ź dziaciej maci i baćki pazbaŭlenyja baćkoŭskich pravoŭ abo pa niejkaj pryčynie nie mohuć vykonvać svaje baćkoŭskija abaviazki. «Haściej u našym dziciačym domie byvaje šmat, asabliva ŭ Novy hod. Dzieci zaŭsiody ź nieciarpieńniem čakajuć hetaje śviata i vykanańnia žadańniaŭ, pišuć listy Dziedu Marozu. Kali mary spraŭdžvajucca — dla ich heta najlepšy padarunak, - padkreśliła dyrektar ustanovy adukacyi Natalla Porchačava. — Sioleta ŭ nas upieršyniu adkryłasia daškolnaja hrupa, tamu my paprasili zrabić akcent na padarunkach dla małych. Chočacca napoŭnić jaje novymi cackami, abstalavańniem».

Pavialičyć

«Akcyja «Našy dzieci» — vielmi dobraja tradycyja. Kožnaje dzicia maje prava na ščaście, čaradziejstva, asabliva napiaredadni Novaha hoda», — ličyć siaredniaja dačka Dźmitryja Łukašenki Darja. Ź joj całkam zhodnaja starejšaja siastra Anastasija. Dziaŭčyna pryznałasia, što atrymała na śviacie ŭ Dzivinie zarad stanoŭčych emocyj i padaryła ich u adkaz. «Takija śviaty važnyja dla dziaciej. Atmaśfiera była vielmi ŭtulnaj, pazityŭnaj», - dadała jana.

Pavialičyć

Siostry padzialilisia, što ŭ ich siamji Novy hod źjaŭlajecca adnym z doŭhačakanych śviataŭ. «Zvyčajna ŭsie razam źbirajemsia doma za vialikim stałom, rychtujem lubimyja stravy, hladzim cikavyja prahramy, kancerty i sami ładzim nievialikija pradstaŭleńnia», - raspaviali jany. Jašče ŭ siamji Dźmitryja Łukašenki lubiać tradycyju navahodnich pradkazańniaŭ, dadała jaho małodšaja dačka Alaksandra

Pavialičyć

• 0
• 0
• 0
• 0
• 0
• 0
• 0
• 0