«Čarnobyl» pryznany najlepšym mini-sieryjałam, film Tarancina ŭziaŭ bolš za ŭsio ŭznaharodaŭ — vyniki «Załatoha hłobusa»
U Kalifornii prajšła 77-ja cyrymonija ŭručeńnia ŭznaharod «Załaty hłobus», jakija prysudžajuć zamiežnyja žurnalisty, akredytavanyja pry Halivudzie. U hetym hodzie najbolšaja kolkaść uznaharod (try) sabraŭ film Kviencina Tarancina «Adnojčy ŭ Halivudzie», piša RBK.
Karcina, dziejańnie jakoj razhortvaje ŭ 1969 hodzie na fonie padziej, źviazanych z bandaj Čarlza Mensana, atrymała hałoŭny pryz u naminacyi «Kamiedyja/miuzikł». Sam Tarancina atrymaŭ uznaharodu za najlepšy scenar, a Bred Pit atrymaŭ pryz za najlepšuju mužčynskuju rolu druhoha płana.
Najlepšaj dramaj staŭ film brytanskaha režysiora Sema Miendesa «1917», jaki apaviadaje pra padziei Pieršaj suśvietnaj vajny. Mendesu dastaŭsia i pryz za lepšuju režysuru.
Chaakin Fieniks byŭ pryznany najlepšym dramatyčnym akcioram za hałoŭnuju rolu ŭ filmie «Džokier». Najlepšym akcioram u miuzikle/kamiedyi staŭ Tejran Ehiertan. Jon syhraŭ Ełtana Džona ŭ filmie «Rokietmien».
Rene Zielviehier atrymała pryz za najlepšuju žanočuju rolu ŭ dramatyčnym filmie, syhraŭšy Džudzi Harłand u stužcy «Džudzi». Najlepšaj aktrysaj ŭ kamiedyi/miuzikle stała Bili Vonh («Raźvitańnie»).
Najlepšym filmam na zamiežnaj movie stała paŭdniovakarejskaja čornaja kamiedyja «Parazity».
Sieryjał «Čarnobyl» atrymaŭ premiju «Załaty hłobus» u naminacyi «Najlepšy mini-sieryjał abo televizijny film».
-
U Biełarusi nijak nie mohuć pakazać suśvietny chit — daviałosia viartać hrošy za kvitki
-
U rasijskaj franšyzie pra chałopaŭ vyjšaŭ novy film — jaho hladziać i ŭ Biełarusi
-
Šalona papularny karejski sieryjał ad Netflix pra školny bulinh — chto ździekavaŭsia z adnakłaśnikaŭ, pavinien prajści praz takoje ž prynižeńnie
Kamientary