Nazvana pryčyna padzieńnia pasažyrskaha ŭkrainskaha samalota pad Tehieranam
Pryčynaj krušeńnia «Boinha», jaki naležyć kampanii «Mižnarodnyja avijalinii Ukrainy», što raźbiŭsia adrazu paśla vyletu z aeraporta Tehierana, staŭ pažar ruchavikoŭ.
Pra heta paviedamlaje ahienctva Irna sa spasyłkaj na kiraŭnika pres-słužby Ministerstva daroh i haradskoha raźvićcia Irana, jaki kuryruje, u tym liku, pytańni hramadzianskaj avijacyi, vykarystańnia pavietranaj prastory i aeranavihacyjnaha absłuhoŭvańnia karystalnikaŭ pavietranaj prastory Irana.
Pa słovach pradstaŭnika viedamstva Kasima Nizami, ukrainski łajnier paciarpieŭ krušeńnie «z techničnaj pryčyny», źviazanaj z prablemaj z ruchavikom.
«Kali b nadzvyčajnaje zdareńnie było vyklikana rakietaj, samalot uzarvaŭsia b u niebie, ale pryčynaj byŭ pažar u ruchaviku i niaŭdałaja sproba piłota ŭziać łajnier pad kantrol, što i pryviało da krušeńnia», — zajaviŭ Nizami, kamientujučy paviedamleńni ab tym, što ŭkrainski łajnier raźbiŭsia paśla vypadkovaha traplańnia ŭ jaho rakiety.
Samalot, što lacieŭ z Tehierana ŭ Kijeŭ, raźbiŭsia siońnia ranicaj za 60 km ad iranskaj stalicy praź niekalki chvilin paśla ŭźlotu.
Bolšaść pasažyraŭ byli hramadzianami Irana, paviedamlajuć ŚMI.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary