Miedyjanny zarobak u listapadzie 2019 hoda, pavodle Biełstata, skłaŭ 848,5 rubla. Siaredni ž zarobak u tym ža miesiacy byŭ na 246,6 rubla bolšy (1 113,1 rubla), zaŭvažaje Tut.by.
Źviestki pa miedya zarobku ŭ krainie Biełstat publikuje dvojčy hod - za listapad i za maj. U paraŭnańni z majem 2019-ha «miedyjana» vyrasła na 45,8 rubla (tady jana składała 802,7 rubla), a ź listapadam 2018 ha - na 97,4 rubla (tady - 751,1 rubla).
Jak i siaredni zarobak, miedyjanny publikujecca da vyliku padachodnaha padatku (13%) i uznosaŭ rabotnika ŭ Fond sacabarony (1%). Adpaviedna, «čysty» miedyjanny zarobak u listapadzie 2019 hoda skłaŭ 729,7 rubla.
Miedyjanny zarobak — heta pakazčyk, jaki adlustroŭvaje sumu ŭ centry «zarobnaha šerahu» i dzielić jaho na dźvie roŭnyja častki. Da prykładu, kali z 5 rabotnikaŭ tolki adzin atrymlivaje 305 rubloŭ, druhi — 310, treci — 400, čaćviorty — 510, a piaty - 1000 rubloŭ, to siaredni zarobak składzie 505 rubloŭ. Pry hetym miedyjanny budzie roŭnaja 400 rublam, bo pałova rabotnikaŭ atrymlivaje bolš hetaj sumy, inšaja pałova — mienš
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali10
Kamientary