Prync Hary škaduje, što jaho pazbavili karaleŭskaha tytuła
Brytanski prync Hary skazaŭ, što vielmi sumuje z-za taho, što składaje svaje karaleŭskija abaviazki, paviedamlajuć infarmahienctvy.
«Ja chaču, kab vy pačuli praŭdu ad mianie, jakoj mahu padzialicca nie jak prync abo hiercah, a jak Hary — toj ža samy čałaviek, jaki 35 hadoŭ ros na vašych vačach, ale z bolš jasnaj pierśpiektyvaj», — skazaŭ Hary ŭ pramovie ŭ dabračynnym fondzie Sientebiejła.
Prync dadaŭ: «Vialikabrytanija — moj dom i miesca, jakoje ja lublu. Heta nikoli nie źmienicca». «Mnie vielmi sumna, što da hetaha dajšło».
Jak paviedamlałasia, prync i jaho žonka Miehan Markł damovilisia z karaleŭskaj siamjoj, što nie buduć vykonvać karaleŭskija abaviazki i pazbaviacca tytułaŭ «karaleŭskija Vysokaści».
Muž i žonka viernuć 2,4 młn funtaŭ sterlinhaŭ ($ 3,1 młn), vydatkavanych sa srodkaŭ padatkapłatnikaŭ na ramont ich asabniaka, i admoviacca nadalej ad finansavaj padtrymki dziaržavy.
Kamientary