Chłopiec, jaki razmalavaŭ Puškina čyrvonaj farbaj, užo na Vaładarcy. Ci pryznajuć jaho palitviaźniem?
Stała viadoma, što maładafrontaŭca Pilipa Šaŭrova ź izalatara časovaha ŭtrymańnia na Akreścina pieraviali ŭ SIZA na Vaładarskaha. Pra heta «NN» paviedamiŭ Pavieł Sieviaryniec.
Pilip Šaŭroŭ zatrymany ŭ ramkach kryminalnaj spravy za «kryvavyja» ruki rasijskamu paetu Puškinu, a taksama namalavanaje hrafici «Svabodu Sieviaryncu».
Šaŭroŭ sam pryjšoŭ u milicyju i paviedamiŭ pra hety ŭčynak. U vyniku jamu była abranaja miera strymańnia — znachodžańnie pad vartaj.
Rasśledavańnie viadziecca pa artykule 339 č.1 KK «Chulihanstva». Pakul dakładna nie viadoma, ci pradjaŭlena Pilipu abvinavačańnie pa hetym artykule. Pavodle hetaha artykułu chłopcu moža pahražać ad štrafa da 3 hadoŭ źniavoleńnia.
«NN» pacikaviłasia ŭ pravaabaroncy z «Viasny» Valancina Stefanoviča, ci pryznajuć Šaŭrova palitviaźniem?
«My čakajem pradjaŭleńnia abvinavačańnia. Moža być šmat varyjantaŭ raźvićcia padziejaŭ, navat što jaho vypuściać na volu. Abvinavačańnie mohuć nie pradjaŭlać ciaham dziesiaci dzion. Šmat budzie zaležyć ad taho, pa jakim artykule budzie pradjaŭlena abvinavačańnie. Samy niepažadany varyjant — heta artykuł 339 č.1. Heta dazvalaje ŭziać Pilipa pad vartu ŭ SIZA. Kali budzie pradjaŭlena «Apahańvańnie majomaści», to tam sankcyi nie praduhledžvajuć uziaćcio pad vartu.
Kali abvinavačańnie budzie pa «Chulihanstvie», to my, viadoma, z hetym zhodnyja nie budziem. Ja asabista nie liču, što heta chulihanstva, i nie liču, što za takija ŭčynki čałavieka varta trymać u turmie. Ja nie viedaju, što jon kaža i jak matyvuje svaje dziejańni, ale mahu mierkavać, što heta byŭ pierformans suprać tak zvanaj «pahłyblenaj intehracyi», a pomnik Puškinu byŭ abrany jak simvał «ruskaha śvietu». U takim kantekście my budziem pryznavać jaho palityčnym viaźniem i patrabavać jaho vyzvaleńnia», — skazaŭ Valancin Stefanovič.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary