U niadzielu, 19 studzienia, kala 15 hadziny ŭ Minsku byŭ zatrymany maładafrontaviec Pilip Šaŭroŭ. Jon zmoh datelefanavacca da svaich paplečnikaŭ z RUUS Centralnaha rajona.
«Jon nam paviedamiŭ, što zatrymany ŭ ramkach kryminalnaj spravy za hrafici «Svabodu Sieviaryncu», a taksama za pomnik rasijskamu paetu Puškinu, ruki jakoha niechta vymazaŭ čyrvonaj farbaj», — paviedamiŭ «NN» lidar «Maładoha frontu» Dzianis Urbanovič.
Učora musiŭ prajści vobšuk u kvatery Šaŭrova, ale paplečniki pakul nie viedajuć, ci jon adbyŭsia. «U izalatary na Akreścina nam paviedamili, što jon tam, ale nie patłumačyli, u jakim statusie tam znachodzicca», — kaža Urbanovič.
Jak paviedamiła ŭ svaim telehram-kanale pres-sakratar MUS Volha Čamadanava, u niadzielu Pilip sam pryjšoŭ u milicyju i pryznaŭsia, što heta mienavita jon razmalavaŭ pomnik.
Matyŭ svajho ŭčynku chłopiec nie patłumačyŭ, ale raspavioŭ pra toje, što spłanavaŭ svaje dziejańni zahadzia: pradumaŭ maršrut, kupiŭ try bałony z farbaj, a paśla jaje naniasieńnia na pomnik zakapaŭ bałony kala Cnianskaha vadaschovišča.
Pilipu Šaŭrovu 25 hadoŭ. U «Maładym froncie» jon ad 2016 hoda. Rodam ź Viciebska. Skončyŭ jurydyčny fakultet BDU, pracavaŭ u adnym z bankaŭ Minska. Žanaty.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary