Kolkaść achviar karanavirusu vyrasła da 41. Ułady Kitaja ŭzmacniajuć zachady biaśpieki
Kolkaść paćvierdžanych vypadkaŭ zaražeńnia pnieŭmanijaj, vyklikanaj novym typam karanavirusu 2019-nCoV, u Kitai dasiahnuła 1330, paviedamlaje BiełTA sa spasłykaj na infarmacyjny partał «Vanji», jaki viadzie kruhłasutačny manitorynh situacyi raspaŭsiudžvańnia virusu.
Pa stanie na ranak 25 studzienia pamior 41 čałaviek. Vypadki zachvorvańnia dyjahnastavany va ŭsich rehijonach Kitaja, za vyniatkam Tybieta. U Piekinie taki dyjahnaz paćvierdžany ŭ 36 čałaviek. U ahmiani raspaŭsiudžvańnia infiekcyi — pravincyi Chubej — 729 chvorych.
Najvyšejšy ŭzrovień reahavańnia abvieščany ŭ Piekinie (nasielnictva kala 22 młn čałaviek), Šanchai (kolkaść žycharoŭ pieravyšaje 24 młn), a taksama va ŭsioj pravincyi Chubej (nasielnictva paradku 59 młn), dzie znachodzicca horad Uchań, u jakim adbyłasia ŭspyška pnieŭmanii novaha typu.
Ułady Kitaja 31 śniežnia 2019 hoda infarmavali Suśvietnuju arhanizacyju achovy zdaroŭja (SAAZ) ab uspyšcy pnieŭmanii nieviadomaha typu ŭ Uchań. Uzbudžalnik chvaroby (karanavirus 2019-nCoV) byŭ identyfikavany 7 studzienia. Jon taksama vyjaŭleny ŭ Aŭstralii, Vjetnamie, Małajzii, Respublicy Kareja, Sinhapury, ZŠA, Tajłandzie, Francyi i Japonii. SAAZ pryznała ŭspyšku nacyjanalnaj nadzvyčajnaj situacyjaj dla Kitaja, ale pakul ŭstrymałasia ad abviaščeńnia režymu mižnarodnaj nadzvyčajnaj situacyi.
Ułady Kitaja paviedamili, što pravincyi Chubej vydzielenyja 1,2 miljona abarončych masak.
Tym časam kitajskija miedyki identyfikavali i vystavili ŭ svabodny dostup hienietyčny kod novaha karanavirusu. Ciapier navukoŭcy roznych krain śvietu mohuć pracavać nad stvareńniem vakcyny ad novaj zarazy, navat nie majučy ŭ svaich łabaratoryjach uzoru virusu, paviedamlaje Rojterz. Imavierna, heta značna paskoryć čas raspracoŭki vakcyny.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary