Vašynhton byŭ, jość i budzie klučavym sajuźnikam Kijeva ŭ abaronie suvierenitetu krainy. Pra heta zajaviŭ prezident Ukrainy Uładzimir Zialenski pa vynikach sustrečy ź dziaržaŭnym sakratarom ZŠA Majkam Pampiea.
Kiraŭnik dziaržavy adznačyŭ, što ŭkrainskija ŭłady «vielmi vysoka» ceniać namahańni prezidenta ZŠA Donalda Trampa. Pry hetym Zialenski vykazaŭsia za bolš aktyŭnaje ŭciahvańnie ZŠA ŭ mirnaje ŭrehulavańnie kanfliktu na ŭschodzie Ukrainy.
«[My] ŭdziačnyja za vašu asabistuju ćviorduju pazicyju pa vajnie na Danbasie i niezakonnaj anieksii Kryma»,— zajaviŭ ukrainski lidar, dadaŭšy, što Kijeŭ hatovy raźvivać novyja formy partniorstva z Vašynhtonam u śfiery biaśpieki.
Zialenski padkreśliŭ, što situacyja ź impičmientam Trampa nie pahoršyła ŭkrainska-amierykanskija adnosiny. Pavodle słoŭ prezidenta, jon hatovy jechać choć zaŭtra ŭ Vašynhton, kali baki buduć hatovyja da dasiahnieńnia kankretnych damoŭlenaściej.
Raniej Pampiea na sustrečy ŭ chodzie pieramovaŭ ź ministram zamiežnych spraŭ Ukrainy Vadzimam Prystajkam u Kijevie zapeŭniŭ, što Ukraina atrymaje ad ZŠA poŭnuju padtrymku «ŭ baraćbie z rasiejskaj ahresijaj».
Zaŭtra Majk Pampiea pavinien pryjechać u Minsk.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary