Čały patłumačyŭ, čamu ŭ 1990-ja padtrymlivaŭ rusafilski «Słavianski sabor»

U 1990-ja hady ŭ Biełarusi isnavała rusafilskaja partyja Słavianski sabor «Biełaja Ruś». Jana aktyŭna supracoŭničała z «Ruskim nacyjanalnam adzinstvam», vystupała suprać biełaruskaj movy. U šerahach arhanizacyi byŭ i ekanamist Siarhiej Čały. Pra svaje tahačasnyja pohlady jon raskazaŭ u prahramie «Tok» z Nastaśsiaj Roŭdaj.

Pavialičyć

— Chaču viarnucca ŭ 1990-ja. Jak tak zdaryłasia, što vy apynulisia ŭ marhinalnym «Słavianskim sabory»?

— Raspad Sajuza sparadziŭ šmat nacyjanalizmaŭ amal va ŭsich utvoranych respublikach. Mnie tady było jasna, što ŭ nas zapoźnieny nacyjanalizm, što my sprabavali idei i mietady minułaha stahodździa, navat bolš čym stahadovaj daŭniny, vykarystoŭvać u sučasnaści, jakaja nasamreč užo inšaja. Heta jašče z kanca ŭniviersiteta pačałosia. Treba razumieć: vy pastupajecie va ŭniviersitet u 1987-m, a zakančvajecie ŭ 1992-m. U vas adna kraina, kali vy pačynajecie vučycca, i zusim inšaja, kali vy zakančvajecie. Voś hety złom epoch, ideałohij sparadžaje dobry spažyŭny bulon dla intelektualnaha pošuku. Chto sabie čaho nie znachodziŭ! Tym bolš što vializnaja kolkaść knih pačała ŭ hety momant vydavacca. U hetym sensie heta była sproba padumać pra toje, ci mahčyma prydumać niešta nie ŭ duchu «vierniemsia ŭ załatoje stahodździe».

— Ja čytała, što takoje «Słavianski sabor»: jany vystupali za abjadnańnie Rasii, Biełarusi i Ukrainy. I heta akurat pra toje: davajcie nie budziem budavać novuju nacyju, a vierniemsia da taho, što było.

— Zhodny. Na žal, sproba atrymałasia niaŭdałaja.

— Mnie cikava: što vy, małady prahresiŭny čałaviek, tolki vypusknik, tam šukali?

— Ciažka skazać. U toj momant, i davoli doŭha-taki, prykładna da 2003 hoda, ja ščyra ličyŭ, što ŭ tym ci inšym vyhladzie sajuz z Rasijaj u pryncypie dla nas vyhadny, bo ŭ ich bolš prasunutaja palityčnaja kultura, ekanomika, zakony. U nas ničoha nie było, što było ŭ ich — toj ža fondavy rynak, na jakim ja paśla pracavaŭ. Ale tak było da pieršych hadoŭ Pucina, spravy JUKASA, potym stała jasna, što nie. Paśla Rasija šmat zrabiła, kab stała jasna, što nie treba da jaje tak stavicca. Da niejkaha momantu ja absalutna ščyra ličyŭ, što dla nas mahli b być karysnymi, prynamsi ekanamična, takija stasunki ź joj. 

0:35 — pra ŭzrost,

3:29 — jak Čały staŭ nudystam,

5:57 — ci jość prablemy z ałkaholem,

7:00 — pra «dačku»,

7:26 — navošta ŭstupiŭ u partyju Słavianski sabor «Biełaja Ruś», jakaja vystupała za abjadnańnie Biełarusi, Rasii i Ukrainy,

10:32 — staŭleńnie da biełaruskaha nacyjanalizmu,

12:15 — pra biełaruskuju movu,

13:18 — čamu pajšoŭ u kamandu Łukašenki na vybarach 1994 hoda,

18:20 — jakim byŭ Łukašenka ŭ 1994-m,

22:06 — ci adčuvaje vinu za toje, što dapamahaŭ Łukašenku,

29:05 — pra piaščotnyja žanočyja ruki, jakija akružyli Łukašenku,

31:39 — čym zajmaŭsia padčas pracy ŭ Administracyi prezidenta,

37:36 — jak syšoŭ sa słužby ŭ prezidenta,

39:52 — za kaho hałasavaŭ na vybarach (i čamu za Michaleviča ŭ 2010-m),

43:13 — pra Taćcianu Karatkievič i «Havary praŭdu»,

45:35 — kolki Biełaruś moža pratrymacca ŭ stanie zastoju,

47:39 — čym skončacca tancy ź intehracyjaj,

49:31 — ci bačyć siabie ŭ palitycy,

50:28 — jak pieramahčy Łukašenku na vybarach,

56:44 — čamu zakryłasia «Ekanomika na palcach»,

1:03:54 — jakija try reformy najbolš patrebnyja siońnia Biełarusi,

1:06:04 — što trymaje ŭ Biełarusi,

1:09:10 — Post Scriptum: čamu sastryh doŭhi chvost, jaki nasiŭ na praciahu 16 hod.

• 0
• 0
• 0
• 1
• 0
• 0
• 2
• 0