Juryj Haraŭski, jaki śćviardžaje, što maje dačynieńnie da vykradańnia i zabojstvaŭ viadomych biełaruskich apazicyjnych palitykaŭ, paprasiŭ palityčnaha prytułku ŭ Šviejcaryi. Pra heta jon raspavioŭ DW i zajaviŭ, što nie bačyć sensu dalej chavać svajo miescaznachodžańnie.
— Adsočvajučy maich blizkich, vyličyć moj numar telefona nie składaje pracy. A pa kodzie možna daviedacca, jakaja heta kraina. Chutčej za ŭsio, heta ŭžo zrabili, — upeŭnieny Haraŭski. Raniej jon, nahadajem, nie raskryvaŭ svajo miescaznachodžańnie.
Haraŭski kaža, što hatovy panieści pakarańnie za ŭdzieł u zabojstvach eks-ministra ŭnutranych spraŭ Biełarusi Juryja Zacharanki, eks-kiraŭnika Centrvybarkama Viktara Hančara i biznesmena Anatola Krasoŭskaha. Adnak choča, kab jaho sudzili ŭ Jeŭropie, a nie ŭ Biełarusi.
Haraŭski pryznajecca, što, navat znachodziačysia ŭ Šviejcaryi, baicca za svajo žyćcio.
— Paśla taho, jak my zabili hetych ludziej, ja ŭsie hetyja hady bajaŭsia, što nas pačnuć pa adnym albo likvidavać, albo sadžać. Ja i ciapier nie vyklučaju, što (ź Biełarusi) pryjeduć mianie zabivać. Ale ŭsio-taki tut jość šancy vyžyć, — raspavioŭ jon DW.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki1
Kamientary