Biełaruski kancern «Biełnaftachim» pravioŭ u Kazachstanie pieramovy ab pastaŭkach nafty z kampanijami KPO, NCOC, TOTAL, «Tenhizšeŭrojł». Pra heta paviedamiŭ u aŭtorak žurnalistam ministr enierhietyki Kazachstana Nurłan Nahajeŭ, piša TASS.
«Delehacyja «Biełnaftachima» była. My dapamahli pravieści pieramovy z kampanijami, jakija patencyjna mohuć pastaŭlać naftu ŭ Biełaruś. My arhanizoŭvali sustreču z kampanijami KPO, «Kašahan» (NCOC), «Tenhizšeŭrojł», « Dunha» (TOTAL) i inšymi», — skazaŭ Nahajeŭ.
Pavodle jaho słoŭ, u śfieru adkaznaści ministerstva ŭvachodzić padpisańnie pahadnieńnia ab pastaŭkach nafty z Kazachstana ŭ Biełaruś, jakoje ciapier znachodzicca na ŭzhadnieńni ŭ dziaržaŭnych orhanach. «Asnoŭnaja ŭmova — heta padpisańnie pahadnieńnia, a pastaŭki nafty, cana — heta budzie na kamiercyjnych umovach, jak jany (biełaruski bok) damoviacca z kampanijami», — rastłumačyŭ ministr. Jak udakładniŭ Nahajeŭ, data nastupnaj takoj sustrečy resursatrymalnikaŭ z «Biełnaftachimam» pakul nie vyznačana.
Kamientary