Łukašenka: My hatovyja dać šviejcarskamu biznesu samyja vyhadnyja ŭmovy dla inviestavańnia
Biełaruś hatova pradastavić šviejcarskamu biznesu samyja vyhadnyja ŭmovy dla inviestavańnia. Pra heta Alaksandr Łukašenka zajaviŭ na sustrečy z kiraŭnikom Fiederalnaha departamienta zamiežnych spraŭ Šviejcaryi Ińjacya Kasisam, pieradaje BIEŁTA.
Vitajučy zamiežnaha hościa, kiraŭnik dziaržavy adznačyŭ, što Biełaruś časta nazyvajuć uschodniaj Šviejcaryjaj. «Ja absalutna nie piareču suprać takomu vyznačeńniu. Bo Šviejcaryja taki spryjalny status u śviecie zasłužyła dziakujučy svajoj palitycy, pastajannaha niejtralitetu i vielmi vialikaj prystojnaści va ŭzajemaadnosinach ź inšymi dziaržavami, — skazaŭ Alaksandr Łukašenka. — Praŭda, jość nievialikija adroźnieńni. Usio ž taki my kraina lasnaja, raŭninnaja, ź vialikaj kolkaściu vodnych resursaŭ. u vas, što pryciahvaje zaŭsiody ludziej, — šmat dobrych dastupnych harnałyžnych kurortaŭ. Hory vielmi ŭpryhožvajuć vašu krainu. Na žal, u nas takoha niama».
Jon adznačyŭ, što ŭ Biełarusi sa Šviejcaryjaj zaŭsiody byli dobryja, dobryja adnosiny. «Ale ja dumaju, što nam jość kudy raści, asabliva ŭ śfiery handlova-ekanamičnych adnosin. Ekanomika - hałoŭnaje. My hatovyja dać šviejcarskamu biznesu samyja vyhadnyja ŭmovy dla inviestavańnia», — padkreśliŭ jon.
U jakaści pazityŭnaha prykładu ŭzajemadziejańnia dźviuch krain Alaksandr Łukašenka nazvaŭ rašeńnia ab pryznačeńni ambasadara Šviejcaryi ŭ Biełarusi i ab adkryćci ŭ Minsku pasolstva hetaj krainy. «Heta budzie dobry krok u napramku pahłybleńnia našaha supracoŭnictva, - skazaŭ kiraŭnik dziaržavy. - Vaš vizit vielmi važny, jon svoječasovy. I ŭpeŭnieny, što jon daść šturšok pahłybleńniu našaha supracoŭnictva»
Pamiž dźviuma krainami adznačajecca ŭstojlivaja aktyvizacyja palityčnych kantaktaŭ. U 2017 hodzie ŭ Fiederalnym schodzie Šviejcaryi ŭpieršyniu stvorana parłamienckaja hrupa družby ź Biełaruśsiu. U 2018 hodzie adbyŭsia aficyjny vizit u Šviejcaryju staršyni Pałaty pradstaŭnikoŭ Nacyjanalnaha schodu Uładzimira Andrejčanki, u 2019-m — vizity pieršaha namieśnika premjer-ministra i staršyni praŭleńnia Nacbanka.
Kamientary