25 sakavika Kamanda BNR100 zaprašaje adznačyć 102-ju hadavinu abviaščeńnia niezaležnaści BNR u farmacie anłajn-śviata «Hodny Dzień Voli» z udziełam viadomych biełaruskich dziejačaŭ kultury, hramadskich aktyvistaŭ i muzyčnych hurtoŭ.
Praz karanavirus tradycyjnaje śviatkavańnie Dnia Voli vyrašyli nie pravodzić.
«Tak stałasia, što i ŭ 2018, i ŭ 2019 hodzie ŭ nas atrymałasia zrabić toje, što i samim zdavałasia praktyčna niemahčymym — arhanizavać hodnaje adznačeńnie Dnia Voli. I zaraz my nie možam prosta skłaści ruk i kazać, što ŭsio drenna. Tamu vyrašyli nie pakidać siabie i ŭsich biełarusaŭ bieź śviata na Dzień Voli i arhanizavać adznačeńnie BNR102 u novym farmacie, jaki pradyktavaŭ čas i nadzvyčajnaja situacyja ŭ śviecie», — zaznačajuć arhanizatary.
Heta novy i ŭnikalny dla nas dośvied arhanizacyi śviata ŭ absalutna niezvyčajnych umovach. Naša zadača — z dapamohaj sučasnych novych miedyja abjadnać biełarusaŭ u roznych kutkach Ziamli i praz anłajn-tranślacyju z nasyčanaj prahramaj i cikavymi haściami stvaryć atmaśfieru ahulnaj jednaści i salidarnaści, złučyć razam biełarusaŭ, dla jakich Dzień Voli — hałoŭnaje nacyjanalnaje śviata, jakoje treba hodna adznačać u lubych umovach.
25 sakavika zaprašajem vas dałučycca da anłajn-śviata «Hodny Dzień Voli» z dapamohaj vašych telefonaŭ, kampjutaraŭ i televizaraŭ. Tranślacyja pačniecca a 18.00 na sajcie Hodna.by i va ŭsich našych sacyjalnych sietkach.
I samaje hałoŭnaje — raskazvajcie jak vy adznačajecie Dzień Voli 2020 u sacyjalnych sietkach i paznačajcie ŭ vašych publikacyjach chešteh #BNR102.
Spadziajemsia, što arhanizacyju śviata i jaho anłajn-tranślacyi padchopiać papularnyja biełaruskija ŚMI i błohiery, a biełarusy praź siervis Molamola.by dapamohuć pakryć vydatki na jaho praviadzieńnia: molamola.by
Davajcie razam i hodna adznačym Dzień Voli 2020 i BNR102.
Usia padrabiaznaja infarmacyja na hodna.by
Jak samastojna adśviatkavać Dzień Voli 2020? Płan decentralizacyi!
Kamanda BNR100 raspracavała i apublikavała na sajcie bnr.by płan decentralizacyi Dnia Voli, jaki składajecca z čatyroch prostych krokaŭ, jakija dapamohuć kožnamu biełarusu samastojna, a ŭ vyniku nam usim razam hodna adznačyć 102-ju hadavinu abviaščeńnia niezaležnaści Biełaruskaj Narodnaj Respubliki.
Što zhodna z hetym płanie treba zrabić 25 sakavika:
— raźmiaścić nacyjanalnyja simvały Biełarusi na svaim bałkonie, u aŭto, aknie kvatery ci dvary doma,
— pavinšavać z Dniom Voli siabroŭ, rodnych i znajomych u sacyjalnych sietkach, na pracy ci ŭ navučalnaj ustanovie,
— uviečary 25 sakavika a 21:00 zapuścić śviatočny fiejervierk,
— arhanizavać samastojnaje adznačeńnie Dnia Voli ŭ siamiejnaj ci siabroŭskaj kampanii, a naša anłajn-tranślacyja dadaść vašamu śviatkavańniu adčuvańnie suviazi z usimi biełarusami, jakija padtrymajuć hety płan.
Usia padrabiaznaja infarmacyja pra płan decentralizacyi na bnr.by
Kamientary