Makiej i Linkiavičus abmierkavali viartańnie biełarusaŭ ź Litvy i litoŭcaŭ ź Biełarusi z-za karanavirusa
Ministr zamiežnych spraŭ Biełarusi Uładzimir Makiej u telefonnaj razmovie abmierkavaŭ z kiraŭnikom litoŭskaha źniešniepalityčnaha viedamstva Linasam Linkiavičusam viartańnie biełarusaŭ ź Litvy i litoŭcaŭ ź Biełarusi z-za karanavirusa, paviedamlaje pres-słužba biełaruskaha MZS.
Telefonnaja razmova adbyłasia pa inicyjatyvie biełaruskaha boku. Asnoŭnaja ŭvaha ŭ chodzie hutarki była nadadziena pytańniu sadziejničańnia viartańniu biełaruskich hramadzian z terytoryi Litvy ŭ Biełaruś i litoŭskich hramadzian z terytoryi Biełarusi ŭ Litvu.
Uładzimir Makiej vykazaŭ udziačnaść litoŭskamu ŭradu za apieratyŭnaje vyrašeńnie prablemnych pytańniaŭ, pastaŭlenych biełaruskim bokam na praciahu apošnich dzion. «Abmierkavany taksama mahčymaści pavieličeńnia prapusknoj zdolnaści biełaruska-litoŭskaj miažy dla hruzavoha aŭtatranspartu», — dadali ŭ MZS.
Ministry damovilisia trymać pastajanny kantakt, kab apieratyŭna vyrašać prablemy, jakija ŭźnikajuć u suviazi z kryzisnaj situacyjaj pa karanavirusie.
Kamientary