Siońnia Alaksandr Łukašenka sustrakaŭsia z pasłom Kitaja Cuj Cyminam, piša BiełTA.
Kiraŭnik dziaržavy padkreśliŭ, vypadki zachvorvańnia karanavirusam, jakija zafiksavanyja ŭ Biełarusi, źjaŭlajucca zaviezienymi z-za miažy. «U nas hety virus nie raźvivaŭsia, i, bolš za toje, my nie źjaŭlalisia i nie źjaŭlajemsia niejkim punktam, adkul pačaŭsia hety virus», — adznačyŭ jon.
U toj ža čas, niahledziačy na vialikuju kolkaść hramadzian Kitaja, jakija pryjazdžajuć na pracu ŭ Biełaruś, nie było nivodnaha vypadku, kab jany pryvieźli ŭ krainu karanavirus. «Z zaviezienych karanavirusaŭ z Kitaja — nivodnaha. Tut pracuje vielmi šmat hramadzian Kitajskaj Narodnaj Respubliki (i ŭ «Vialikim kamieni», i na inšych abjektach, i na BNBK, jaki my budujem z dapamohaj kitajskaha naroda i kredytu) — nivodnaha fakta, vypadku, zaviezienaha z KNR virusa. My vielmi akuratna pracavali i pracujem. Nie tamu, što ničoha nie baimsia, nie ŭ hetym sprava — źviarnuŭ uvahu biełaruski kiraŭnik. — My sprabujem dziejničać prafiesijna i kropkava, zychodziačy z vopytu vašaha i našaha».
«Mnie kožny dzień dakładvajuć abstanoŭku», — dadaje telehram-kanał Puł pieršaha.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary