Zaŭtra deputaty pasprabujuć vyrašyć hałoŭnuju intryhu hoda, nie ličačy karanavirus
U piatnicu, 8 maja, u Pałacie pradstaŭnikoŭ deputaty źbiarucca na pazačarhovaje pasiadžeńnie, kab pryznačyć datu prezidenckich vybaraŭ. Pra heta TUT.BY raspavioŭ kiraŭnik pres-słužby Pałaty pradstaŭnikoŭ Vital Jermałovič.
Pasiadžeńnie zahadzia nie było paznačana ŭ hrafiku pracy deputataŭ, ciapier usie deputaty pracujuć u svaich akruhach.
— Na paradku dnia pasiadžeńnia zaŭtra — razhledzieć pytańnie ab dacie vybaraŭ, — raspavioŭ Jermałovič.
Kiraŭnik pres-słužby adznačyŭ, što na zaŭtrašniaje pasiadžeńnie puściać tolki niekalki dziaržaŭnych ŚMI.
— Apošnim časam z-za epidemijałahičnaj situacyi my imkniomsia abmiežavać puł žurnalistaŭ, prysutnych na pasiadžeńniach. Pryniata rašeńnie abmiežavacca na zaŭtrašnim pasiadžeńni niekalkimi centralnymi ŚMI. Tak što nie mahu vas paradavać, TUT.BY nie pakličam, — skazaŭ Jermałovič.
Zhodna z Kanstytucyjaj vybary prezidenta pryznačajucca Pałataj pradstaŭnikoŭ nie paźniej, čym za piać miesiacaŭ da zakančeńnia terminu paŭnamoctvaŭ dziejučaha prezidenta. U adpaviednaści z zakanadaŭstvam čarhovyja prezidenckija vybary ŭ Biełarusi pavinny adbycca ŭ niadzielu, nie paźniej čym za dva miesiacy da zakančeńnia terminu paŭnamoctvaŭ dziejučaha prezidenta, heta značyć, nie paźniej za 30 žniŭnia.
Kamientary