12 maja pamior Viktar Makarevič, pastar carkvy jevanhielskich chryścijan-baptystaŭ. Jon žyŭ pad Hancavičami ŭ vioscy Malkavičy, słužyŭ u susiedniaj vioscy Lipsk. Makareviču było 38 hadoŭ.
Svajaki pakul što i sami nie viedajuć, što dakładna zdaryłasia.
«Zabirali jaho ŭ balnicu prosta tamu, što trymałasia vysokaja tempieratura. Tam pačali davać antybijotyki, praz heta pačalisia prablemy z žyvatom, — raskazaŭ «Našaj Nivie» svajak pastara. — Paśla jamu stała horš, pakłali navat na ŠVŁ. Ale ci była toje pnieŭmanija, my nie viedajem. Ci rabili testy na karanavirus, nie viedajem taksama.
Uskryvać cieła buduć 13 maja, tady i daduć aficyjnaje paśviedčańnie ab śmierci. Adpaviedna, 13 maja adbudziecca i pachavańnie. Ale žonku Viktara ŭžo papiaredzili, što z balnicy cieła addaduć u zakrytaj trunie, adkryvać zabaroniena. Paraili, kab na pachavańni było jak maha mienš ludziej, tolki samyja blizkija svajaki».
U Viktara Makareviča zastałosia čaćviora dziaciej.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami32
Kamientary