Namieśnik kiraŭnika MZS Rasii Alaksandr Hruško na sustrečy z dyrektaram departamienta Jeŭrakamisii pa źniešnich suviaziach Hunaram Vihandam i kiraŭnikom pradstaŭnictva Jeŭrakamisii ŭ Maskvie Markam Frankam 3 krasavika zaklikaŭ ES uličvać intaresy Rasii pry realizacyi inicyjatyvy «Uschodniaje partniorstva».
Jak paviedamlaje RIA Novosti, na dumku pradstaŭnika MZS Rasii, ES nieabchodna ŭličvać «abaviazacielstvy pa raźvićci intehracyjnych pracesaŭ na prastory SND». Važna nie dapuścić farmiravańnia novych raździalalnych linij na jeŭrapiejskim kantyniencie», — zajaviŭ A.Hruško.
Raniej Rasija śćviardžała, što Brusiel akazvaje cisk na Biełaruś, zrabiŭšy niepryznańnie samaabvieščanych Paŭdniovaj Asiecii i Abchazii ŭmovaj jeŭrapiejskaj intehracyi.
U prahramu «Uschodniaje partniorstva» ŭvajšło šeść postsavieckich krain — Azierbajdžan, Armienija, Biełaruś, Hruzija, Małdova i Ukraina. Jana praduhledžvaje palityčnaje zbližeńnie i ekanamičnuju intehracyju ź ES na dvuchbakovym i šmatbakovym uzroŭni. U ramkach prahramy ES vydzielić 600 młn. jeŭra ŭ 2009—2013 hadach.
Uschodniaje partniorstva, jak i ŭsia palityka susiedstva, nie praduhledžvaje členstva ŭ ES krain, na jakija jana raspaŭsiudžvajecca.
Prahrama była zaćvierdžana na pasiadžeńni kiraŭnikoŭ krain Jeŭrasajuza 20 sakavika, ustanoŭčy samit Uschodniaha partniorstva adbudziecca 7 maja.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk41
Kamientary