Byłaja staršynia Nacbanka Nadzieja Jermakova moža ŭznačalić Biełhazprambank, u jaki ŭčora ź pieratrusam pryjšli siłaviki.
«Takaja prapanova sapraŭdy jość, mnie z banka prapanavali. Ale kali heta budzie razhladacca, nie viedaju», — patłumačyła jana karespandentu «NN».
Jermakova zapeŭniła, što maje atestacyju, a tamu adpaviadaje farmalnym patrabavańniam da kiraŭnika banka.
Papiarednim staršynioj praŭleńnia Biełhazprambanka byŭ Viktar Babaryka, jaki ciapier vyłučajecca ŭ prezidenty.
Biełhazprambank na 99,9% naležyć strukturam rasijskaha «Hazproma».
Nadzieja Jermakova ŭ 1980-ch pracavała ŭ Škłovie, dzie i paznajomiłasia z Alaksandram Łukašenkam. U 1996 hodzie jon paklikaŭ jaje ŭ Minsk u kiraŭnictva Biełarusbanka. Na pasadzie staršyni Nacbanka Jermakova zapomniłasia niaŭdałymi sprobami pieramahčy valutny kryzis 2014 hoda. Pavieł Kałaŭr, jaki zamianiŭ Jermakovu na hetaj pasadzie, vyrašyŭ pytańni za niekalki tydniaŭ.
Zatoje Jermakova — adna ź niamnohich čynoŭnic, jakija zmahli pabudavać adrazu dva katedžy ŭ Drazdach.
Čytajcie taksama: Jana vyrasła ŭ chacie biez elektryčnaści, a stała kiraŭnicaj Nacbanka. Historyja žyćcia Nadziei Jermakovaj
***
Nadzieja Jermakova naradziłasia 19 krasavika 1953 u vioscy Razalmoŭ Chocimskaha rajona. Skončyła Pinski ŭlikova-kredytny technikum (1971), Biełaruski dziaržaŭny instytut narodnaj haspadarki imia Kujbyšava (1978).
Pracavała ŭ strukturach Biełaruskaj respublikanskaj kantory Dziaržbanka SSSR: u 1971—1979 — u Chocimskim adździaleńni, u 1979—1983 — namieśnica kiraŭnika Kiraŭskaha adździaleńnia, u 1983—1984 — kiraŭnica Škłoŭskaha adździaleńnia.
U 1984—1994 pracavała ŭ Škłoŭskim rajvykankamie, spačatku namieśnicaj staršyni, paśla zahadčycaj finansavym adździełam. U 1994 — kiraŭnica škłoŭskaha filijała banka «Poŭnač-Zachad». U 1994—1995 — kiraŭnica škłoŭskaha adździaleńnia Biełahraprambanka.
U 1996—2011 — namieśnica staršyni praŭleńnia, staršynia praŭleńnia Biełarusbanka. U 2011—2014 — staršynia praŭleńnia Nacbanka.
Z 1999 — staršynia HA «Biełaruski sajuz žančyn».
Dvojčy raźviedzienaja, maje dvaich dziaciej.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary