Kožny dzień tydnia pierad Paschaj carkva nazyvaje «vialikim» — Vialiki paniadziełak, Vialiki aŭtorak i h.d. Nabaženstvy ŭ hetyja dni pryśviečanyja ŭspaminam apošnich dzion ziamnoha žyćcia Isusa Chrysta. U sieradu vierniki ŭspomniać Judavu zdradu, u čaćvier — Tajnuju viačeru, u piatnicu — ukryžavańnie Chrysta. U piatnicu na siaredzinu kožnaha chramu vyniesuć płaščanicu. Heta vyšyvanaje pokryva, na jakim vyjaŭlena cieła Chrysta ŭ trunie.
U subotu ab 11-j viečara pačynajecca paŭnočnica, pieradśviatočnaje nabaženstva. Bieź piaci dvanaccać raspačynajecca chrosny chod: vierniki i śviatary trojčy abychodziać carkvu i spyniajucca pierad začynienymi dźviarami chramu, jaki budzie simvalizavać zavalenuju kamieniem piačoru, dzie była mahiła Chrysta. Prapiajaŭšy trapary, karotkija pieśniaśpievy, jakija pieradajuć sens śviata, vierniki zojduć u siaredzinu i śviatočnaje nabaženstva, pryśviečanaje Chrystovu Ŭvaskrasieńniu, praciahniecca.
Taćciana Matrunčyk, supracoŭnica pravasłaŭnaha Bractva Vilenskich pakutnikaŭ, kaža, što ŭ Pietra-Paŭłaŭskaj carkvie horadu Miensku ciaham Vialikaha tydnia, uklučajučy sam Vialikdzień, nabaženstvy buduć vieścisia pa-carkoŭnasłaviansku, ale ŭžo pačynajučy sa Śvietłaha tydnia (tydzień, jaki idzie paśla Vialikadnia) adnoviacca biełaruskamoŭnyja słužby. Naprykład, 22 krasavika, u sieradu Śvietłaha tydnia, a 5-j viečara pa-biełarusku adbudziecca tradycyjny malebien za biełaruski narod z akafistam Vilenskim mučanikam, a ŭ subotu Śvietłaha tydnia 25 krasavika, pačynajučy z 7.30, buduć adsłužany paschalnyja hadziny, Liturhija, malebien i panichida paschalnym čynam na biełaruskaj movie.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki21
Kamientary