MTZ‑RIPA, BATE i žodzinskaje «Tarpieda» ŭznačalvajuć turnirnuju tablicu čempijanata Biełarusi paśla dvuch turaŭ.
MTZ‑RIPA, BATE i žodzinskaje «Tarpieda» ŭznačalvajuć turnirnuju tablicu čempijanata Biełarusi paśla dvuch turaŭ.
Niekali Mikałaj Ryndziuk byŭ adnym z najbolš pierśpiektyŭnych maładych biełaruskich hulcoŭ. U 19‑hadovym uzroście jon źjechaŭ z barysaŭskaha BATE ŭ maskoŭski «Łakamatyŭ», adnak paśla hetaha karjera talenavitaha forvarda nie pajšła ŭvierch. Ryndziuk badziaŭsia ŭ Rasii, Turcyi, Kitai, Łatvii. I tolki ŭ 31‑hadovym uzroście znoŭ viarnuŭsia na Radzimu.
Zrešty, jak pakazali pieršyja tury nacyjanalnaha pieršynstva, zabivać Mikałaj nie razvučyŭsia.U pieršym matčy jahony dubl prynios pieramohu staličnamu MTZ‑RIPA ŭ supraćstajańni z «Hranitam». U nastupnaj hulni Ryndziuk znoŭ zabiŭ dvojčy, na hety raz navapołackamu «Naftanu».
Uvohule ž, staličnaja kamanda razhramiła svaich apanientaŭ ź likam 4:0. Jašče dva hały na rachunku lehijanieraŭ — hruzina Kvaracachielii i brazilca Ledesmy.
Čempijon krainy barysaŭski BATE druhi tur zapar ź minimalnym likam 1:0 pieramahaje supiernika. Na hety raz sa skrypam vyjhrali ŭ debiutanta FK «Minsk».
Staličnaje «Dynama» ž tak i nie zmahło padabrać klučoŭ da bramy «Smarhoni» — 0:0. Jašče adna ničyja była zafiksavanaja ŭ Breście. Miascovaje «Dynama» namahańniami najlepšaha napadnika pieršynstvaŭ Biełarusi za ŭsie časy Ramana Vasiluka zraŭniała lik — 1:1. Taki samy lik zafiksavany ŭ sustrečy FK «Homiel» i FK «Viciebsk».
Pakul hałoŭnaj niečakanaściu čempijanatu źjaŭlajecca žodzinskaje «Tarpeda». Kłubu prahnazavali zmahańnie za vyžyvańnie, a jon atrymaŭ užo druhuju pieramohu. Pryčym, abiedźvie viktoryja byli dasiahnutyja ŭ haściach. Na hety raz pieramahli mikaševicki «Hranit» (pakul najbolšaje rasčaravańnie) — 3:1.
U apošnim matčy turu ŭ Hrodna adbyłosia račnoje derbi. «Nioman» suprać «Dniapra». Pieramohu mahiloŭcam naprykancy matča prynios novaśpiečany biełarus Vital Bondaraŭ — 1:0.
Turnirnaja tablica paśla dvuch turaŭ vyhladaje nastupnym čynam: MTZ‑RIPA, Tarpeda, BATE — pa 6 punktaŭ, «Dynama» (Brest), «Dynama» (Minsk) — pa 4, «Nioman», «Dniapro» — pa 3, «Šachcior» — 2, «Viciebsk», «Homiel», «Smarhoń», «Naftan» — pa 1, «Minsk», «Hranit» — pa 0.
Najlepšy bambardzir Mikałaj Ryndziuk (MTZ‑RIPA) — 4 hały.
Ciapier čytajuć
U Francyi ad śpioki zahinuŭ dalnabojščyk z Dokšycaŭ12
Kamientary