Na składzie ŭ pramzonie «Kaladzičy» kanfiskavana bujnaja partyja Pepsi sa skončanym terminam prydatnaści.
14 krasavika padčas pravieračnych mierapryjemstvaŭ supracoŭniki adździeła pa baraćbie z karupcyjaj i ekanamičnymi złačynstvami Pieršamajskaha RUUS i centra hihijeny i epidemijałohii pa Kastryčnickim rajonie Minska ŭ chodzie pravierki kamiercyjnaha pradpryjemstva, jakoje zajmajecca aptovymi pastaŭkami biezałkaholnych napojaŭ, vyjavili bujnuju partyju achaładžalnaha napoju Pepsi sa skončanym terminam prydatnaści.
Jak paviedamili ŭ HUUS Minharvykankama, sa składskoha pamiaškańnia, raźmieščanaha ŭ pramzonie «Kaladzičy», było kanfiskavana 20 tys. blašanak Pepsi jomistaściu 0,33 litra sa skončanym terminam prydatnaści koštam 30 młn. rubloŭ.Na častcy blašanak adsutničała markiroŭka ab terminie vyrabu.
Jak miarkujuć apieratyŭniki, hetaja infarmacyja, mahčyma, była vydalena naŭmysna, što mahło b spraścić dalejšuju realizacyju pradukcyi.
U dačynieńni da dyrektara pradpryjemstva składzieny administracyjny pratakoł na padstavie art. 16.8 KoAP (parušeńnie sanitarnych norm, praviłaŭ i hihijeničnych narmatyvaŭ). Pravodzicca pravierka.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary