U Biełarusi indeks biźnies‑klimatu apuściŭsia da rekordnaj adznaki — minus 15,8%.
U Biełarusi indeks biźnies‑klimatu (IBK), raźličany Nacyjanalnym bankam u cełym pa halinach ekanomiki, u lutym 2009 hoda źniziŭsia na 2,3% u paraŭnańni sa studzieniem — da minus 15,8%.
Pra heta paviedamlajecca ŭ manitorynhu pradpryjemstvaŭ realnaha siektara, padrychtavanym Nacbankam.
Indeks biźnies‑klimatu ŭjaŭlaje saboj intehravany pakazčyk acenak faktyčnaj i čakanaj dynamiki vytvorčaści pradukcyi (rabot, pasłuh) i popytu na pradukcyju (raboty, pasłuhi).
Kanjunkturny ahlad, na asnovie jakoha Nacbankam byŭ raźličany IBK za luty, padrychtavany šlacham apytańnia kiraŭnikoŭ 2.019 pradpryjemstvaŭ pramysłovaści, transpartu, budaŭnictva, handlu i hramadskaha charčavańnia. Značeńnie indeksa ŭkazvaje na toje, što kolkaść kiraŭnikoŭ pradpryjemstvaŭ, jakija aceńvajuć najaŭny stan i čakanyja źmieny biźnies‑klimatu jak stanoŭčyja, na 15,8% mienšaja za kolkaść tych, chto kanstatuje i čakaje niehatyŭnyja zruchi ŭ ekanamičnaj kanjunktury.
Pavodle vynikaŭ lutaha niespryjalnaj kanjunkturu nazvali 67,3% kiraŭnikoŭ pradpryjemstvaŭ — udzielnikaŭ manitorynhu suprać 58,3% u studzieni,
jak spryjalnuju jaje acanili 30,1% (u studzieni — 39,7%).
Pavieličeńnie ŭdzielnaj vahi pradpryjemstvaŭ i arhanizacyj, jakija nazvali ekanamičnuju kanjunkturu lutaha niespryjalnaj, mieła miesca ŭ pramysłovaści — da 77,4%, na transparcie — da 75,8%, u budaŭnictvie — da 52,5%, u handli i hramadskim charčavańni — da 61,4%.
U studzieni—lutym, pavodle źviestak manitorynhu pradpryjemstvaŭ, naziralisia niehatyŭnyja źmieny bolšaści pakazčykaŭ ich finansava‑haspadarčaj dziejnaści.Pahoršyłasia ekanamičnaje stanovišča mnohich subjektaŭ haspadarańnia. Fizičnyja abjomy vytvorčaści i realizacyi, zahruzka vytvorčych mahutnaściej, popyt, fizičnyja abjomy zamoŭ na ŭnutranym i źniešnich rynkach, čysty prybytak, reštki hrašovych srodkaŭ byli nižejšyja za ŭzrovień studzienia—lutaha 2008 hoda, a fizičny abjom nierealizavanaj pradukcyi — vyšejšy.
Akramia taho, u studzieni—lutym 2009 hoda adznačany bolš vysoki ŭzrovień praterminavanaj kredytorskaj i debitorskaj zapazyčanaści. Nazvanyja niehatyŭnyja pracesy i źjavy ŭ značnaj stupieni abumoŭleny ŭpłyvam suśvietnaha kryzisu na ekanomiku krainy.
U razhledžany pieryjad hetaha hoda ŭzmacniŭsia ŭpłyŭ na haspadarčuju dziejnaść pradpryjemstvaŭ — udzielnikaŭ manitorynhu źmien abmiennaha kursu biełaruskaha rubla, ryzyk pradpryjemstvaŭ (najpierš ekanamičnych), popytu, umoŭ kredytavańnia, a taksama praterminavanaj debitorskaj zapazyčanaści.
Jak paviedamlałasia raniej, na praciahu druhoha paŭhodździa 2008 hoda adbyvałasia imklivaje padzieńnie IBK — ź plus 38,8% u červieni da minus 14% u śniežni.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik58
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary