Aktyvista Źmitra Palijenku ahułam asudzili na 45 sutak
Aktyvista anarchisckaha ruchu Źmitra Palijenku pakarali aryštam jašče na 15 sutak. Takim čynam, ahułam Źmicier adbudzie ŭ izalatary na Akreścina 45 sutak i zmoža vyjści na volu tolki 23 žniŭnia, piša Radyjo Svaboda.
Pra novy termin žonka aktyvista Nasta Palijenka daviedałasia ad sukamernika jaje muža, jaki vyjšaŭ na volu i patelefanavaŭ joj.
«Sukamernik raskazaŭ, što Źmicier trymajecca i žadaje ŭsim na voli pieramohi nad režymam», — skazała Nasta Palijenka.
U jakim sudzie i za što treci raz pakarali jaje muža, Nasta nia viedaje.
«Na minułym tydni byli źviestki pra druhi prysud, ale ŭ sudach heta abviarhali. A ciapier baču, što chłusili. Heta ŭ ich taki metad — schavać aktyŭnaha čałavieka nadoŭha, kab na vybarach nia vykazaŭsia sam i kab za im nie pajšli ludzi. Heta sapraŭdnyja represii za palityčnyja pohlady», — skazała Nasta Palijenka.
U jakich umovach trymajuć muža, Nasta amal nia viedaje, bo advakata da jaho nie puskajuć.
«Pieradačy prymajuć, ale listoŭ ad jaho niama», — paviedamiła žonka aktyvista.
8 lipienia ŭ kvatery, dzie pražyvaje Źmicier Palijenka, adbyŭsia pieratrus. Paźniej Pieršamajski sud Miensku aryštavaŭ aktyvista na 15 sutak za «zaklik da fłešmobu». Padčas pierapynku ŭ sudzie Palijenka paviedamiŭ pravaabaroncam, što ŭ hety ž dzień jaho vazili ŭ Maskoŭskaje RUUS, dzie apytali ŭ miežach kryminalnaj spravy ab abrazie supracoŭnika milicyi.
Źmicier Palijenka i ciapier adbyvaje pakarańnie pa kryminalnaj spravie. 25 kastryčnika 2019 hoda sud pryznaŭ jaho vinavatym u «asabliva złosnym chulihanstvie» (č. 3 art. 339 KK) i prysudziŭ 3 hady abmiežavańnia voli biez nakiravańnia ŭ papraŭčuju ŭstanovu.
-
U RCAP u Ratamcy rastłumačyli, čamu ŭładalnikam koniej nie praciahnuli damovy
-
«Maja pazicyja adnosna siłavikoŭ paśla pieramohi prostaja». Eks-palitviazień pra škłoŭskuju kałoniju, padpolle i «karelickuju spravu»
-
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać10
Kamientary