Stop-fejk. BiełTA publikuje dopisy biełarusaŭ, aburanych Cichanoŭskaj. Ale heta miortvyja akaŭnty
«Biełarusy ŭ sacyjalnych sietkach adreahavali na adkrytuju niapraŭdu, zajaŭlenuju na ŭsiu krainu padčas televystupaŭ kandydataŭ u prezidenty», — adznačaje infarmacyjnaje ahienctva BiełTA. U jakaści paćvierdžańnia pryvodziacca šeść mierkavańniaŭ sa spasyłkaj na akaŭnty pracytavanych ludziej. Što za nieabyjakavyja hramadzianie?
Alena Mironava: «Mianie prosta zatresła, kali ŭčora kandydat u prezidenty raspaviadała z ekrana pra nibyta biednych miedykaŭ, u jakich nie było ni masak, ni achoŭnych kaściumaŭ. Maŭlaŭ, hołymi rukami z karanavirusam. Nu niapraŭda ž!».
Hetaja žycharka Hrodna raniej nie napisała nivodnaha dopisu. Heta pieršaje jaje mierkavańnie.
Vika Lubamirava: «Jaki tranzit ułady? Jakija novyja vybary? Jakoje zachavańnie stabilnaści ŭ krainie? Praściej tady adrazu zdać niezaležnaść, kab, jak havorycca, doŭha nie mučacca».
21-hadovaja minčanka za niekalki hadoŭ vykłała try dziasiatki fotazdymkaŭ, ale nikoli nie pisała dopisy choć na jakuju temu.
Vasil Ihnatovič: «Pasłuchaješ kandydataŭ, atrymlivajecca ŭsio drenna, i nichto ničoha nie robić, dy prosta treba cikavicca čymści dalej za svoj ułasny nos!».
Minčuk z fejkavaj avatarkaj śpiecyjalna zarehistravaŭsia, kab napisać hety adziny dopis.
Śviatłana Jazierskaja: «Niešta kandydaty ŭ prezidenty zabylisia ci nie viedali, jakaja dapamoha akazvajecca ŭ baraćbie z karanavirusam».
U hetym akaŭncie jość ź dziasiatak pierapoščanych spasyłak, ale ŭpieršyniu Śviatłana z pustoj avatarkaj vyrašyła vykazać ułasnaje mierkavańnie — i adrazu trapiła na BiełTA.
Aksana Ramanienka: «Niekatoryja chočuć sabie zrabić kasu: «miedykam nie chapała masak…». Dobra choć u minułym časie! Tamu što vyrašyli hetuju prablemu za vielmi karotki čas. I vyrašyli jaje ŭsie razam: ułada, ludzi, hramadskija arhanizacyi».
Hety akaŭnt byŭ stvorany miesiac tamu. U jaho aktyvie try dopisy ŭ padtrymku Alaksandra Łukašenki i suprać jaho apanientaŭ.
Natalla Mielnikava: «Učora, słuchajučy vystup kandydataŭ u prezidenty, ja była ździŭlenaja infarmacyjaj pra nibyta biaździejnaść najmalnikaŭ i prafsajuzaŭ u pytańni baraćby z pandemijaj. Ščyra kažučy, mnie stała kryŭdna».
Hetaja žančyna z Rečycy napisała svoj druhi asensavany dopis — pierad tym tolki pavinšavała krainu z 3 Lipienia.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali6
Kamientary