Aktyvisty hramadzianskaj kampanii «Jeŭrapiejskaja Biełaruś», zatrymanyja ŭ Breście viečaram 16 krasavika padčas akcyi salidarnaści z palitźniavolenymi, źmieščany ŭ IČU.Pra heta paviedamiŭ BiełaPAN pravaabaronca Raman Kiślak.
16 krasavika ŭ 20.40 piać maładych ludziej pryjšli na hałoŭnuju płošču horada da pomnika Leninu. Jany trymali raściažku «Svabodu palitźniavolenym!» i ściah kampanii.
Praź niekalki chvilin da ich padyšli supracoŭniki milicyi i zapatrabavali pakinuć płošču. Paśla admovy vykanać hetaje patrabavańnie aktyvistaŭ apazicyi zatrymali i ŭ 21.00 dastavili ŭ Leninski RAUS. Tam ich abšukali, źniali na videa, skłali ŭ dačynieńni da ich pratakoły na padstavie č. 1 art. 23.34 KoAP (parušeńnie ŭstanoŭlenaha paradku praviadzieńnia masavych mierapryjemstvaŭ).
«Paśla hetaha zatrymanyja — Uładzimir Šeleh, Jaŭhien Skrabiec, Iłaryjon Kasiančuk, Natalla Hahaluk i Kaciaryna Iščyk — byli źmieščany ŭ izalatar časovaha ŭtrymańnia.Jak miarkujecca, sud razhledzić materyjały administracyjnych spraŭ siońnia, 17 krasavika», — dapoŭniŭ R.Kiślak.
Viečaram 16 krasavika ŭ Breście niepadalok ad handlovaha centra «Jubilejny» byli taksama zatrymany šeść udzielnikaŭ akcyi salidarnaści, jakuju pravodzili aktyvisty mižnarodnaha hramadskaha abjadnańnia «Małady front» (Čechija). Ich adpuścili biez składańnia pratakołaŭ.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary