U Novaj Baravoj źjavilisia pieršyja ŭ Biełarusi kvatery-transformiery FOTA
U Novaj Baravoj stali dastupnyja kvatery-transformiery sa šmatfunkcyjanalnaj mebloŭkaj. Naprykład, haściavaja kanapa lohka stanovicca kamfortnym dvuchspalnym łožkam, a abiedziennaja zona — dadatkovym pracoŭnym miescam. Heta pieršaja ŭ krainie prapanova takoha farmatu ad zabudoŭščyka.
Moda na «transformiery» pryjšła z-za miažy. Ich prydumali japonskija architektary ŭ sprobie stvaryć maksimalna funkcyjanalnuju ŭniviersalnuju prastoru ŭ kampaktnych kvaterach, kali płoščy abmiežavanyja i kožny mietr na padliku. Novaja Baravaja stała pieršym kvartałam u Biełarusi, dzie pačali ŭkaraniać pierśpiektyŭny farmat.
Kvatery-transformiery prapanujuć z čystavym azdableńniem, meblaj i technikaj. Mebla padabrana tak, kab padzialić kampaktnaje žyllo na funkcyjanalnyja zony pa schiemie «2 u 1». Tak, haściavaja kanapa vystupaje taksama častkaj spalni, a abiedzienny stoł možna transfarmavać u rabočuju zonu. Płanirovačnyja mietamarfozy datyčacca asnoŭnych zon: haścinaj, transfarmujemaj ŭ spalniu, kuchni i prychožaj.
Funkcyjanał raspracavany dla nievialikich kvater — płoščaj kala 31 «kvadrata». Mienavita pry małych habarytach transfarmacyja i aktualnaja. Funkcyju zanavańnia prastory vykonvaje mebla, a pieraharodkami aharodžany tolki sanvuzieł.
Azdableńnie kvater-transformieraŭ praduhledžvaje biełyja špalery, śvietły łaminat, stolevyja śviacilni i sučasnyja dźviery. Sanvuzieł azdobleny plitkaj «pad bieton», abstalavany padviesnym unitazam, vannaj (albo dušavym paddonam) i pralnaj mašynaj. Kuchnia idzie z usioj meblaj, varačnaj pavierchniaj, duchavoj šafaj, schavanaj vyciažkaj i ubudavanym chaładzilnikam.
U haścinaj staić šafa-łožak, spalnaje miesca, jakoje možna padniać roŭna ŭvierch. Pryčym navat bializnu prybirać nie treba - jana pryšpilvacca ramianiami razam z matracam i paduškami. Jość taksama pierasoŭny stolik: u adnoj kanfihuracyi jaho možna vykarystać dla pracy, u druhoj — u jakaści barnaj stojki.
U prodaž užo pastupili 14 kvater-transformieraŭ. Usie jany znachodziacca ŭ kvartale «Niasumny sad» Novaj Baravoj. U budučyni novy farmat asvojać i ŭ inšych damach.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?20
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary